[Apsara (ANN)] - ក្រុមការងារអនុគណ:កម្មការសុវត្ថិភាពចរាចណ៍ផ្លូវគោកខេត្តបាត់ដំបង ចុះផ្សព្វផ្សាយច្បាប់ និងចែកមួកសុវត្ថិភាព
2018-02-14
Go to the website published Apsara (ANN)
បាត់ដំបង៖ ក្រុមការងារអនុគណះកម្មការសុវត្ថភាពចរាចរណ៍ផ្លូវគោកខេត្តបានចុះអនុវតន៍ផ្សព្វផ្សាយច្បាប់ស្តីពីចរាចរណ៍និងចែកមួកសុវត្ថភាពជូនដល់ពលរដ្ឋផងដែរ។
លោក សឿម ប៊ុនរិទ្ធ អភិបាលរងខេត្ត បានថ្លែងនៅព្រឹកថ្ងៃទី១៤ ខែកុម្ភះនេះថា៖មួកសុវត្ថិភាពពិតជាមានសារសំខាន់ខ្លាំងណាស់ដល់អាយុជីវិតរបស់មនុស្សគ្រប់រូបវាអាចជួយកាត់បន្ថយការគ្រោះថ្នាក់ធ្ងន់ធ្ងរឬស្លាប់បាត់បង់ជីវិតដល់អ្នកបើកបរឬជិះម៉ូតូនៅពេលជួបគ្រោះថ្នាក់ដួលបោកក្បាល។
ប្រជាពលរដ្ឋគ្រប់រូបត្រូវ យកចិត្តទុកដាក់ក្នុងការពាក់មួកសុវត្ថិភាពជាប្រចាំទោះបីជាបើកបរម៉ូតូទៅទីជិតឬឆ្ងាយក៏ដោយព្រោះករណីគ្រោះថ្នាក់ចរាចរណ៍កើតឡើងយើងមិនអាចដឹងជាមុនបានឡើយ។ ហើយក្នុងការចុះផ្សព្វផ្សាយច្បាប់ស្តីពីសុវត្ថិភាពចរាចរណ៍និងចែកមួកសុវត្ថិភាពរបស់ក្រុមការងារអនុគណ:កម្មការសុវត្ថិភាពផ្លូវគោកខេត្តបាត់ដំបងជូនដល់ប្រជាពលរដ្ឋគឺបានធ្វើឡើងជារៀងរាល់ថ្ងៃដោយក្នុង១ថ្ងៃចំនួនពីរ២០០មួកទៅ៣០០មួកនិងមានការសួរសំណួរពាក់ព័ន្ធទៅនិងច្បាប់សុវត្ថិភាពចរាចរណ៍ផងដែរ។
ក្រៅពីនោះទៅទៀតក្រុមការងារបានធ្វើការអប់រំនែរនាំទៅដល់ម្ចាស់យានយន្តគ្រប់ប្រភេទពេលបើកបរត្រូវពាក់ខ្សែក្រវ៉ាត់ចំពោះអ្នកជិះម៉ូតូត្រូវពាក់មួកអោយបានគ្រប់ៗគ្នាមិនត្រូវផ្ទុកមនុស្សឬទំនិញលើសចំណុះ មិនត្រូវបើកបរក្នុង ស្ថានភាពស្រវឹង និងមិនត្រូវ បើកបរហួសល្បឿនកំណត់ ឡើយ៕
