[Rasmei Kampuchea Daily News] - រថយន្តក្រុមហ៊ុនអគ្គីសនីកម្ពុជា បើកខ្វះការប្រុងប្រយ័ត្នទាក់ខ្សែភ្លើងបាក់បង្គោលភ្លើងចំនួន៣ដើមដេកពេញផ្លូវ
ភ្នំពេញៈ រថយន្តស្ទួចរបស់ក្រុមហ៊ុនអគ្គីសនីកម្ពុជា បើកខ្វះការប្រុងប្រយ័ត្ន បណ្តាលឱ្យទាក់ខ្សែភ្លើងបាក់បង្គោលភ្លើង ចំនួន៣ដើម ធ្លាក់ខ្សែភ្លើង រាយពេញផ្លូវ។ ហេតុការណ៍នេះកើតឡើងកាលពីព្រឹកថ្ងៃទី១១ ខែវិថ្ឆិកា ឆ្នាំ២០២០ ស្ថិតតាមបណ្តោយផ្លូវលេខ ១០៨ កែង ផ្លូវលេខ ៥១ ក្នុងសង្កាត់វត្តភ្នំ ខណ្ឌដូនពេញ រាជធានីភ្នំពេញ។
តាមប្រភពព័ត៌មាននៅកន្លែងកើតហេតុបានប្រាប់ឱ្យដឹងថា មុនពេលកើតហេតុមាន រថយន្តស្ទួចមួយគ្រឿងរបស់ក្រុមហ៊ុនអគ្គីសនីកម្ពុជា បើកខ្វះការប្រុងប្រយ័ត្នបណ្តាលឱ្យទាក់ខ្សែភ្លើង ទាញបាក់បង្គោលចំនួន៣ដើម ធ្លាក់ខ្សែភ្លើងរាយពេញផ្លូវ បង្កភាពភ្ញាក់ផ្អើលដល់ប្រជាពលរដ្ឋ ខ្លាចឆ្លងអគ្គីសនី បង្កជាអគ្គីភ័យកើតឡើង តែសំណាងល្អមិនបង្កអោយមានគ្រោះភ័យអ្វីកើតឡើង។
ក្រោយពេលកើតហេតុ កម្លាំងសមត្ថកិច្ចមូលដ្ឋានចុះមកដល់ចំណុចទីតាំងកើតហេតុ រួចទំនាក់ទំនងទៅ ខាងអគ្គិសនីកកម្ពុជាបិទចរន្តភ្លើង ដើម្បីអន្តរាគមន៏កាត់ខ្សែភ្លើង និងលើកបង្គោលចេញពីផ្លូវកន្លែងកើតហេតុដើម្បីឱ្យបងប្អូនធ្វើដំណើរ៕
