ក្រសួង​សាធារណការ និងដឹកជញ្ជូន បាន​ឱ្យដឹង​ថា បណ្ណអនុញ្ញាត​បើកបរ​អន្តរជាតិ ដែលចេញដោយ​ព្រះរាជាណាចក្រកម្ពុជានេះ ជា​កូនសៀវភៅ​ដែលមានទំហំ ១៤៨x១០៥មីលីម៉ែត្រ មាន​សុពលភាពរយៈពេល ១ឆ្នាំ។ បណ្ណអនុញ្ញាតបើកបរអន្តរជាតិ (International Driving Permit) ដែលចេញដោយព្រះរាជាណាចក្រកម្ពុជា អាចយកទៅប្រើប្រាស់ និងមានការទទួលស្គាល់នៅក្នុងបណ្តាប្រទេសហត្ថលេខីនៃអនុញ្ញាស្តីពីចរាចរណ៍ផ្លូវគោក (៩៩ប្រទេស) ទីក្រុងសឺណែវ ថ្ងៃទី១៩ ខែកញ្ញា ឆ្នាំ១៩៤៩ ។ -កម្រៃសេវា៖ ២៥០ ០០០៛ -ទីតាំងផ្តល់សេវា៖ នៅអគ្គនាយកដ្ឋានដឹកជញ្ជូនផ្លូវគោក និងមណ្ឌលផ្តល់សេវាសាធារណៈ (ផ្សារទំនើប ជីប ម៉ុង ណូរូ ម៉ន ជាន់ទី៣) -ឯកសារភ្ជាប់៖ ១. ឯកសារចម្លងបណ្ណបើកបរជាតិ ដែលចេញដោយព្រះរាជាណាចក្រកម្ពុជា ២. ឯកសារចម្លងអត្តសញ្ញាណប័ណ្ណសញ្ជាតិខ្មែរ ឬលិខិតឆ្លងដែន(ចំពោះជនបរទេស) ៣. រូបថត៤x៦ ផ្ទៃពណ៌ស (៣សន្លឹក) ៤. ឯកសារចម្លងកិច្ចសន្យាជួលផ្ទះដែលទទួលស្គាល់ដោយអាជ្ញាធរមានសមត្ថកិច្ច និងលិខិតបញ្ជាក់អសយដ្ឋានបច្ចុប្បន្នចេញដោយមេឃុំ ឬចៅសង្កាត់៕