[Rasmei News] - ទឹកភ្លៀងជន់លិចផ្លូវជាតិលេខ៤ក្នុងខណ្ឌពោធិ៍សែនជ័យនិងខណ្ឌកំបូលបានស្រកវិញហើយ
2020-10-03
Go to the website published Rasmei News
ភ្នំពេញ៖គិតមកដល់ព្រឹកថ្ងៃទី៣ខែតុលាឆ្នាំ២០២០នេះជំនន់ទឹកភ្លៀងដែលបានជន់លិចនៅផ្លូវជាតិលេខ៤ក្នុងខណ្ឌពោធិ៍សែនជ័យនិងខណ្ឌកំបូលបានស្រកចុះបណ្ដើរហើយ ។ក្រោយពីអភិបាលរាជធានីភ្នំពេញលោកឃួងស្រេងបានចុះពិនិត្យជាក់ស្តែងនិងបញ្ជាផ្ទាល់ឱ្យប្រើប្រាស់គ្រឿងចក្រកាយបង្ហូរទឹកនៅទីតាំងសំខាន់ៗមួយចំនួនក្នុងភូមិសាស្ត្រខណ្ឌទាំងពីរនេះ កាលពីយប់ថ្ងៃទី២ខែតុលាឆ្នាំ២០២០។
លោកសាំ ពិសិដ្ឋប្រធានមន្ទីរសាធារណការប្រធានមន្ទីរសាធារណការនិងដឹកជញ្ជូនរាជធានីភ្នំពេញ អភិបាលខណ្ឌពោធិ៍សែនជ័យលោកហែមដារិទ្ធិនិងលោកសេងគន្ធអភិបាលរងខណ្ឌកំបូលបានបញ្ជាក់ដូចគ្នាថាៈនៅពីព្រឹកថ្ងៃទី៣ខែតុលានេះទឹកជំនន់ទឹកភ្លៀងដែលបានជនលិចនៅតំបន់ផ្លូវជាតិលេខ ៤ បានស្រកបណ្តើរហើយ។
គឺក្រោយពីលោកអភិបាលរាជធានីភ្នំពេញបានចុះបញ្ជាផ្ទាល់កាលពីយប់ថ្ងៃទី២តុលាខណៈដែរភ្លៀងកំពុងធ្លាក់បណ្តាលឱ្យជន់លិចតំបន់មួយចំនួនក្នុងណ្ឌកំបូលនិងខណ្ឌពោធិ៍សែនជ័យពិសេសលើកំណាត់ផ្លូវជាតិ៤និងក្នុងតំបន់មួយចំនួនក្នុងសង្កាត់ត្រពាំងក្រសាំងខណ្ឌពោធិ៍សែនជ័យ។
ប៉ុន្តែទោះបីជាយ៉ាងណាក្តីក្រោយពីកាយបើកមុខទឹកនេះជឿងថាដោយសារចំណាត់ការរបស់អភិបាលរាជធានីភ្នំពេញមិនយូរទេក្នុងខណ្ឌកំបូលនិងខណ្ឌពោធិ៍សែនជ័យពិសេសលើកំណាត់ផ្លូវជាតិលេខ៤ទឹកនឹងស្រុកអស់ជាក់ជាមិនខាន៕
