បន្ទាយមានជ័យ៖​ក្នុងពិធីសំណេះសំណាលជាមួយមន្ត្រីរាជការ បុគ្គលិក កម្មករ​និងនិវត្តិន៍ជននៃមន្ទីរសាធារណការនិងដឹកជញ្ជូនខេត្តបន្ទាយមានជ័យ នាមហា​សាលប្រជុំសាលាខេត្តកាលពីរសៀលថ្ងៃ​ទី៥ខែសីហាឆ្នាំ២០២០ លោក ទេសរដ្ឋ​មន្ត្រីស៊ុន ចាន់ថុល រដ្ឋមន្ត្រីក្រសួងសាធារណការនិងដឹកជញ្ជូន បានថ្លែង​ដើម្បីជម្រុ​វឌ្ឍនភាពការងារគ្រប់គ្រងមន្ត្រ​និងការងារអភិវឌ្ឍន៍នៃជំនាញសាធារណការ​និងដឹក​ជញ្ជូននៅខេត្តបន្ទាយមានជ័យ ដោយមានការចូលរួមរបស់ដោយលោក ខេង ស៊ុម ប្រធាន​​ក្រុមប្រឹក្សាខេត្ត លោក អ៊ុំ រាត្រី អភិបាលខេត្តបន្ទាយមានជ័យ ​ព្រមទាំងប្រតិភូ។លោកសុក ចាន់ថា ប្រធានមន្ទីរសាធារណការនិងដឹកជញ្ជូនខេត្តបន្ទាយមានជ័យបាន​រាយការណ៍ថា៖ មន្ទីរនេះមានក្របខ័ណ្ឌមន្ត្រីរាជការចំនួន៧៧នាក់/ស្រី២១នាក់និង​មន្ត្រី​ជាប់កិច្ចសន្យា៨នាក់។លោកបានបន្តថា ចំពោះលទ្ធផល ក៏ដូចជាវឌ្ឍនភាព​អនុវត្ត​ការងាររបស់មន្ទីរ រួមមាន​ការងារសាធារណការ គឺបណ្តាញផ្លូវជាតិ ផ្លូវខេត្តស្ថិត​ក្នុងដែន​​សមត្ថកិច្​ចមន្ទីរ​មាន​២១ខ្សែ ប្រវែង៧០០,២គម ដែលរួមមានក្រាលបេតុង​កៅស៊ូAC ក្រាល​កៅស៊ូDBST ក្រាលបេតុង បាន៦៧% និងក្រៅពីនោះក្រាលដី ។ ហើយចំពោះមុខ មន្ទីរបាននិងកំពុងថែទាំប្រចាំផ្លូវទាំងនោះ និងផ្លូវក្រាលល្បាយថ្មភ្នំ ថែមទាំងបានស្ថាបនាស្ពានបេតុងសសៃដែ​ឆ្លងស្ទឹងសិរីសោភ័ណថ្មី នៅសង្កាត់​អូរអំបិល,បានជួសជុល​ផ្លូវខេត្តលេខ២៦៨អា ព្រៃមាន់ -អាងត្រពាំងថ្ម បាន៣០% ,បានចាប់ផ្តើមបើកការដ្ឋានជួសជុលកំណាត់ផ្លូវខេត្តជុំវិញច្រកស្ទឹងបត់ ប្រភេទ​ក្រាលកៅស៊ូDBST និងសំណង់សិល្បការ្យ ។លោកប្រធានមន្ទីរសាធារណការនិងដឹកជញ្ជូនខេត្តបានបន្ថែមថា ក្នុងនោះដែរ មន្ទីរក៏បានពង្រឹងលទ្ធផលនិងប្រសិទ្ធភាពការងារដឹកជញ្ជូនផ្លូវគោក ការចុះ​បញ្ជីយានយន្តនិងផ្តល់ប័ណ្ណបើកបរ ការងារសុវត្ថិភាពចរាចរណ៍ផ្លូវគោកផងដែរ ។ លោក អ៊ុំ រាត្រី អភិបាលខេត្តបន្ទាយមានជ័យមានប្រសាសន៍ថា ដោយការខិតខំ​របស់ក្រសួងប៉ុន្មានឆ្នាំចុងក្រោយនេះ វិស័យសាធរណការនិងដឹកជញ្ជូន ទាំងផ្លូវជាតិ ផ្លូវខេត្តនៅក្នុងខេត្តមានការរីកចម្រើនជាខ្លាំង ។ លោក បានបន្តថា បន្ទាប់ពីរឹត​បន្តឹង​បន្ថែមច្បាប់ចរាចរណ៍ មន្ទីរមានកិច្ចជាច្រើន​ទៀតបានចូលរួម​សហការអនុវត្ត​ជាមួយ​សមត្ថកិច្ចនានា ហើយធ្វើអោយម្ចាស់យានយន្តត្រូវបំពេញឯកសារបញ្ជាក់ការត្រូត​ពិនិត្យលក្ខណៈបច្ចេកទេសយានយន្ត ប័ណ្ណបើកបរ និងផ្សេងៗទៀត ។នាឱកាសនោះលោក ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ​និង​ដឹកជញ្ជូនបានកោតសរសើរនិងវាយតម្លៃវឌ្ឍនភាពលទ្ធផលការងារទាំងផ្នែកគ្រប់គ្រងមន្ត្រីរាជការ បុគ្គលិក កម្មករដែលបានល្អលើគុណភាពធនធានមនុស្ស សាមគ្គីភាព ប្រសិទ្ធភាពប្រកបដោយការទទួលខុសត្រូវ ។ ហើយក៏ត្រូវពង្រឹងនិងទទួលខុសត្រូវថែមទៀតលើការងារសាធារណការ ការងារដឹក​ជញ្ជូន ការងារចុះបញ្ជីយានយន្តនិងផ្តល់ប័ណ្ណបើកបរ ការងារសុវត្ថិភាពចរាចរណ៍​ផ្លូវ​គោក ព្រមទាំងការងារអន្តរាគមន៍និងសហការនានាជាមួយអាជ្ញាធរមានសមត្ថកិច្ចនិ​ងការឆ្លើយតបសំណូមពរពលរដ្ឋ ។ទន្ទឹមនឹងនោះលោកទេសរដ្ឋមន្ត្រីបានអោយប្រធានថ្មី បន្តបន្ថែមទៀតលើការងារ​គ្រប់គ្រងនិងសាមគ្គីភាពផ្ទៃក្នុង ក៏ដូចជាការលើកទឹកចិត្តនិងកែលម្អគុណសម្បត្តិ​ស្នាដៃការងារមន្ត្រី ។ នាចុងបញ្ចប់ លោកទេសរដ្ឋមន្ត្រីបានបំពាក់គ្រឿងឥស្សរិយយសនិងប្រគល់ប័ណ្​ណសរសើរដល់​ថ្នាក់ដឹកនាំនិងមន្ត្រីមន្ទីរទាំងបានចូលនិវត្តន៍ហើយ ទាំងនៅ​បម្រើ​ការងារ ៕