ឯកឧត្តមទេសរដ្ឋមន្ត្រី ស៊ុន ចាន់ថុល ដឹកនាំមន្ត្រីរាជការក្រសួងនាំយកទានព្រះវស្សាទៅ ប្រគេនព្រះសង្ឃចំនួន៤១វត្ត ឋិតក្នុងស្រុកកោះធំ ខេត្តកណ្តាល កណ្ដាល៖ ថ្ងៃពុធ ១១កើត ខែអាសាឍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី០១ ខែកក្កដា ឆ្នាំ២០២០ ឯកឧត្តមទេសរដ្ឋមន្ត្រី ស៊ុន ចាន់ថុលកណ្ដាល៖ ថ្ងៃពុធ ១១កើត ខែអាសាឍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី០១ ខែកក្កដា ឆ្នាំ២០២០ ឯកឧត្តមទេសរដ្ឋមន្ត្រី ស៊ុន ចាន់ថុល បានអញ្ជើញដឹកនាំគណប្រតិភូ និងមន្ត្រីរាជការក្រសួង ព្រមទាំងពុទ្ធបរិស័ទចំណុះជើងវត្តជិតឆ្ងាយហែទៀនព្រះវស្សា ដើម្បីប្រគេនព្រះសង្ឃដែលនឹងត្រូវគង់ចាំ ព្រះវស្សារយៈពេលត្រីមាសចំនួន៤១វត្ត ឋិតនៅស្រុកកោះធំ ខេត្តកណ្តាល ដោយមានការនិមន្តចូលរួមពី ព្រះសង្ឃ ថ្នាក់ដឹកនាំ មន្ត្រីរាជការ និងពុទ្ធបរិស័ទចំណុះជើងវត្តជាច្រើនអង្គ/នាក់ផងដែរ។ កម្មវិធីនេះបានប្រារព្ធឡើងនៅវត្តព្រែកតាដួង ឃុំព្រែកថ្មី ស្រុកកោះធំ ខេត្តកណ្ដាលដើម្បីប្រគេនទេយ្យវត្ថុ និងគ្រឿងឧបភោគបរិភោគដែលក្នុងមួយវត្តៗទទួលបាន សាដក១គូ ទៀនវស្សា១គូ តែ១គីឡូ ទឹកដោះ គោខាប់៤កំប៉ុង ស្ករស៤គីឡូក្រាម ធូប១ដុំ ទឹកត្រី២យួរ ទឹកស៊ីអ៊ីវ២យួរ មី២កេស ទឹកសុទ្ធ២១កេស ទឹកក្រូច២១កេស ត្រីខ២យួរ អង្ករ៣បាវ សម្រាប់ប្រើប្រាស់អំឡុងពេលគង់ចាំព្រះវស្សារយៈពេលត្រីមាសតាមពុទ្ធបញ្ញត្តិ ក៏ដូចជាដើម្បីឧទ្ទិសកុសលផលបុណ្យនេះជូនដល់បុព្វការីជនដែលបានចែកឋានទៅកាន់បរលោក ព្រមទាំងជូនមហាកុសលដល់បងប្អូនប្រជាពលរដ្ឋខ្មែរទាំងអស់ឱ្យជួបតែសេចក្តីសុខសេចក្តី ចម្រើនគ្រប់ប្រការ។ ទន្ទឹមនឹងការប្រគេនទេយ្យវត្ថុ គណៈប្រតិភូនិងមន្ត្រីរាជការក្រសួងដឹកនាំដោយឯកឧត្ដមទេសរដ្ឋមន្ត្រី ក៏បានប្រគេនបច្ច័យជូនវត្តចំនួន៤១ និងព្រះសង្ឃដែលបាននិមន្តចូលរួមក្នុងកម្មវិធីនោះផងដែរ ដោយ ក្នុងមួយវត្តៗទទួលបានបច្ច័យចំនួន៤០ម៉ឺនរៀល និង២០០ដុល្លារ។ ដោយឡែក វត្តព្រែកតាដួងដែលជា កន្លែងប្រារព្ធពិធីទទួលបានបច្ច័យ ១.៦៧១.០០០រៀល និង២៣៦ ដុល្លារបន្ថែមទៀត។ រីឯលោកតា អាចារ្យដែលរួមដំណើរជាមួយព្រះសង្ឃទាំង៤១វត្ត ក្នុង១វត្តទទួលថវិកា ៥០.០០០រៀល និងព្រះសង្ឃ ដែលបាននិមន្តចូលរួមក្នុងកម្មវិធីនោះ ទទួលបានបច្ច័យចំនួន១១ម៉ឺនរៀលក្នុងមួយអង្គផងដែរ៕