ថ្ងៃអង្គារ ១០រោច ខែមាឃ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១៨ ខែកុម្ភៈ ឆ្នាំ២០២០ ឯកឧត្ដម សេង ឈួន រដ្ឋលេខាធិការក្រសួងសាធារណការ និងដឹកជញ្ជូន និងជាប្រធានគណៈកម្មាធិការសម្របសម្រួលអចិន្ត្រៃយ៍ នៃគណៈកម្មការដឹកនាំការត្រួតពិនិត្យយានយន្តដឹកជញ្ជូនលើទម្ងន់កម្រិតកំណត់ បានអញ្ជើញជាអធិបតីក្នុងពីធីប្រកាសពលភាព តែងតាំងសមាសភាពមន្រ្តីតាមស្ថានីយថ្លឹងយានយន្តដឹកជញ្ជូនលើសទម្ងន់កម្រិតនៃស្ថានីយ កណ្តោលដុំ, ត្រពាំងថ្លុង, ស្ទឹងច្រាល, អូរចំណារ, វាលរេញ, ភ្នំត្រែល, អង្គស្នួល, កំពង់ទួល, ក្រសាំង, កំពង់ភ្នំ, ព្រែកស្តី, ព្រែកឯង និងឃ្លាំងសម្បត្តិ ដែលបានប្រារព្ធធ្វើឡើងនៅនៅមន្ទីរសាធារណការ និងដឹកជញ្ជូនខេត្តកំពង់ស្ពឺ និងខេត្តកណ្តាល។ ក្នុងពីធីប្រកាសសុពលភាព និងតែងតាំងសមាសភាពមន្រ្តីថ្មីនេះ មានការចូលរួមពីតំណាងអភិបាល នៃគណៈអភិបាលរាជធានីខេត្ត តំណាងស្នងការ និងមេបញ្ជាការរាជធានីខេត្តពាក់ព័ន្ធ និងមន្រ្តីនៃក្រសួងសាធារណការ និងដឹកជញ្ជូន។ គួរបញ្ជាក់ថាការប្រកាសសុពលភាព និងតែងតាំងសមាសភាពមន្រ្តីថ្មីនេះគឺជាកំណែទម្រង់ ដើម្បីធ្វើអោយប្រសើរឡើងលើការគ្រប់គ្រង់យានយន្តដឹកលើសទម្ងន់កម្រិតកំណត់ ដែលដឹកនាំដោយផ្ទាល់ដោយឯកឧត្ដម ទេសរដ្ឋមន្រ្តី ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន ៕