[CEN] - លោកវិល្លាម លើកឡើងបញ្ហាផ្លូវថ្នល់ បញ្ហាមន្ត្រី ទៅកាន់រដ្ឋមន្ត្រីក្រសួងសាធាណការ
2020-02-05
Go to the website published CEN
ភ្នំពេញ ៖ នៅថ្ងៃទី ៥ ខែ កុម្ភៈ ឆ្នាំ ២០២០ នេះមានកិច្ចប្រជុំពិសេសមួយ ដែលប្រតិភូក្រសួងសាធារណការ និងដឹកជញ្ជូនបានចូលមកបំភ្លឺ និងធ្វើបទបង្ហាញនានា ក្រោមក្របខ័ណ្ឌរបស់ឧត្តមក្រុមប្រឹក្សាពិគ្រោះ និងផ្ដល់យោបល់ នៅវិមានសន្តិភាពទីស្ដីការនាយករដ្ឋមន្ត្រី ។ខ្លឹមសារនៃការសួរពីលោកសុខ សុវណ្ណ វឌ្ឍនាសាប៊ុង និងចម្លើយខ្លះៗ មានដូចតទៅ ៖
សំណួរ ៖ បញ្ហាធ្វើរួចបានដាក់លូ ធ្វើលូរួចបានដាក់ ដែលជាកត្តាសំខាន់ដែលពលរដ្ឋរិះគន់
លោករដ្ឋមន្ត្រីបានបំភ្លឺថា ៖ មកពីរដ្ឋអត់ថវិកា អត់គ្រប់ការធ្វើលូ និងធ្វើ ទើបធ្វើសិន ចាំធ្វើលូតាមក្រោយ តែឥឡូវកំពុងដោះស្រាយ និងមានការវិវត្តន៍ល្អហើយ។
សំណួរ ៖ លើបញ្ហាក្រុមហ៊ុនឡានធំ ឡានធំដែលដឹកលើសទម្ងន់បំផ្លាញ ដោយសារពួកជញ្ជីងពុករលួយ ដែលរឿយៗក្រុមហ៊ុនចំនួនតិច ឡានច្រើន ដើម្បីផលប្រយោជន៍បុគ្គលបក្ខពួក តែបំផ្លាញផលប្រយោជន៍សាធារណៈទាំងមូល ខណៈដែលតម្លៃអាជ្ញាប័ណ្ណ ដែលរដ្ឋផ្ដលឲ្យបានចំណូលតែ២០លានរៀល តែរាប់រយលានដុល្លារ។
លោករដ្ឋមន្ត្រី ៖ បានទទួលស្គាល់ និងបង្ហាញឆន្ទៈចាប់ឲ្យអស់ពួកបំពាន ដកតំណែងឲ្យអស់អ្នកថ្លឹងដែលទទួលសំណូក និងបង្កើតជញ្ជីងឆ្លាតវៃបន្ថែម ដើម្បីដោះស្រាយឲ្យទាន់ពេលវេលា។
សំណួរ ៖ បញ្ហាសំបុកមាន់ ដែលបញ្ហាទាំងនោះភាគច្រើនរដ្ឋបាលថ្នាក់ក្រោមជាតិអសកម្ម ក្នុងការដោះស្រាយ ជួសជុលថែទាំ ខណៈដែលខ្លួនទទួលប្រតិភូកម្មក្នុងការដោះស្រាយ។
លោករដ្ឋមន្ត្រីបានបំភ្លឺថា ៖ លោកទទួលស្គាល់ ថាបញ្ហាមួយចំនួនគេចោទមកតែក្រសួង តែបញ្ហាខ្លះវាជាសមត្ថកិច្ចរដ្ឋបាលថ្នាក់ក្រោមជាតិ ដែលរដ្ឋមន្ត្រីក៏បានទទួលស្គាល់ និងធានាដោះស្រាយ តាមរយៈ road care app។
សំណួរ ៖ បញ្ហាយានដ្ឋានយានយន្ត ដែលខុសច្បាប់ និងគ្មានអាជ្ញាប័ណ្ណម្ដេចនៅតែបើករកស៊ីបាន?
លោករដ្ឋមន្ត្រីបានបំភ្លឺថា ៖ លោកទទួលស្គាល់ និងជំរុញបន្ថែមទៅមន្ត្រីអនុវត្តន៍ច្បាប់ឲ្យចាត់ការ។
យោបល់របស់លោកវិល្លាម ៖ ចំពោះការប្រមូលទិន្នន័យអ្នកបើកបរមកដាក់ QR code ដែលក្រសួងឲ្យអ្នកបើកបរមិនបាច់មានឯកសារ តែវាខុសនឹងអនុក្រឹត្យលេខ ៨៥អនក្រ បក ស្ដីពីការពិន័យលើល្មើសច្បាប់ចរាចរណ៍ មាត្រា៦ ប្រការ ខ ដែលជាហេតុនាំឲ្យមន្ត្រីនគបាលបានលេសផាក លើអ្នកបើកបរ ដូចនេះខ្ញុំស្នើឲ្យវិសោធនកម្មច្បាប់ ឈប់ឲ្យអ្នកបើកទាំងអស់យកក្រដាសតាមខ្លួនទៀត។
លោករដ្ឋមន្ត្រីបានទទួលយកចំណុចនេះ នឹងធានាថានឹងស្នើកែច្បាប់នេះឆាប់ៗ ។
ដោយឡែកចំពោះបញ្ហា ធ្វើមុខក្រោយ ធ្វើក្រោយខូចមុខ ធ្វើជាប់រហូត ជាដើម ក្រោយការដេញដោល លោករដ្ឋមន្ត្រីបង្ហាញពីកង្វល់នឹងសុំពេលបន្ថែម ដើម្បីដោះស្រាយជាបន្តបន្ទាប់ ៕
