ការចុះពិនិត្យស្ថានភាពផ្លូវជាតិលេខ ៤១, ៣, ៣១ និងលេខ ៣៣ --- នាថ្ងៃទី១៨ ខែតុលា ឆ្នាំ២០១៩ ឯកឧត្តម យិត បុណ្ណា រដ្ឋលេខាធិការក្រសួងសាធារណការ និងដឹកជញ្ជូន បានដឹកនាំក្រុមការងារបច្ចេកទេសចុះពិនិត្យស្ថានភាពផ្លូវជាតិលេខ ៤១, ៣, ៣១ និងលេខ ៣៣ ស្ថិតក្នុងទឹកដីខេត្តកំពង់ស្ពឺ, ខេត្តកំពត និងខេត្តកែប មានការចូលរួមពី ឯកឧត្តម គឹម ប៉ុណ្ណា អនុរដ្ឋលេខាធិការ ឯកឧត្តម ហ៊ាង វុត្ថា អគ្គនាយកបច្ចេកទេស នាយកដ្ឋានត្រួតពិនិត្យគម្រោង ស្ថិតក្រោមឱវាទអគ្គនាយកដ្ឋានបច្ចេកទេស មន្ទីរសាធារណការ និងដឹកជញ្ជូនខេត្ត និងអង្គភាពអនុវត្តគម្រោងពាក់ព័ន្ធ ។ ក្នុងដំណើរចុះពិនិត្យនេះ ឯកឧត្តម រដ្ឋលេខាធិការ បានណែនាំដល់អង្គភាពអនុវត្តគម្រោង ពីបច្ចេកទេស វិធីសាស្ត្រមួយចំនួនលើការជួសជុល ថែទាំ និងស្ថាបនាផ្លូវ ឲ្យស្របតាមស្តង់ដារបច្ចេកទេស ដើម្បីពង្រឹងការសាងសង់ផ្លូវថ្នល់ឲ្យល្អជាងមុន ។