[CEN] - ជលយាន្តគ្រប់ប្រភេទ អាចធ្វើចរាចរណ៍ឆ្លងកាត់ក្រោមស្ពានព្រែកតាមាក់ ក្រោយយកសាឡង់ដឹកខ្សាច់ ជាប់គាំងគល់ស្ពានជាង៣សប្តាហ៍
2019-10-02
ទៅកាន់ទំព័រចុះផ្សាយក្នុង CEN
ខេត្តកណ្តាល ៖ នាវា ជលយាន ជលយានយន្តគ្រប់ប្រភេទ អាចធ្វើចរាចរណ៍ឆ្លងកាត់ក្រោមស្ពានព្រែកតាមាក់បានជាធម្មតាវិញ ចាប់ពីថ្ងៃផ្សាយដំណឹងនេះតទៅ ក្រោយយកសាឡង់ដឹកខ្សាច់មួយគ្រឿង ជាប់គាំងគល់ស្ពានជាង៣សប្តាហ៍។បើយោងតាមសេចក្តីជូនដំណឹងរបស់មន្ទីរសាធារណការ និងដឹកជញ្ជួនខេត្តកណ្តាល កាលពីថ្ងៃទី៣០ ខែកញ្ញា បានឲ្យដឹងថា សាឡង់ដឹកខ្សាច់១គ្រឿងត្រូវកម្លាំងទឹកបោក ហើយកៀបជាប់នឹងជើងតាងនៃសសរស្ពានផ្នែកកណ្តាលប៉ែកខាងកើត នៃស្ពានព្រែកតាមាក់ ស្ថិតក្នុងស្រុកខ្សាច់កណ្តាល និងស្រុកមុខកំពូលនោះ ត្រូវបានក្រុមការងារបច្ចេកទេស នៃក្រសួងសាធារណការ និងដឹកជញ្ជួន អូសទាញចេញដោយសុវត្ថិភាពរួចរាល់ជាស្ថាពរ កាលពីថ្ងៃទី៣០ ខែកញ្ញា វេលាម៉ោង១១និង៥៥នាទីថ្ងៃត្រង់៕
