ឯកឧត្ដមទេសរដ្ឋមន្ត្រី ស៊ុន ចាន់ថុល បានដឹកនាំមន្ត្រីរាជការក្រសួងសាធារណការ និងដឹកជញ្ជូន អញ្ជើញចូលរួមក្នុងពិធីកាន់បិណ្ឌទី១១ នៅវត្តបុទុមវតីរាជរារាម ហៅវត្តបុទុម ស្ថិតនៅរាជធានីភ្នំពេញ --- ថ្ងៃអង្គា ១១រោច ខែភទ្របទ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី២៤ ខែកញ្ញា ឆ្នាំ២០១៩ ឯកឧត្តមទេសរដ្ឋមន្ត្រី ស៊ុន ចាន់ថុល បានដឹកនាំមន្ត្រីរាជការដែលជាពុទ្ធបរិស័ទអញ្ជើញកាន់បិណ្ឌទី១១ នៅវត្តបុទុមវតីរាជរារាម ស្ថិតនៅរាជធានីភ្នំពេញ។ នៅក្នុងពិធីកាន់បិណ្ឌទី១១នេះ ឯកឧត្ដមទេសរដ្ឋមន្ត្រី បាននាំយកទេយ្យទានប្រគេនព្រះសង្ឃដែលគង់ចាំព្រះវស្សាអស់កាលត្រីមាស និងបានឧទ្ទិសកុសលផលបុណ្យជូនដល់បុព្វការីជនទាំងប្រាំពីរសណ្ដានដែលបានចែកឋានទៅកាន់បរលោក និងបានបួងសួងសូមឱ្យវត្ថុស័ក្កិសិទ្ធិទាំងពួងតាមជួយថែរក្សាទំនុក បម្រុងចម្រុងចម្រើនដល់មន្ត្រីរាជការនៃក្រសួងសាធារណការ និងដឹកជញ្ជូន ក៏ដូចជាបងប្អូនប្រជាពលរដ្ឋខ្មែរគ្រប់ទិសទីទាំងអស់ ពិសេសសូមតាមជួយថែរក្សាប្រទេសជាតិយើងឱ្យមានសុខសន្តិភាពជានិរន្តរ៍តរៀងទៅ។