កិច្ចប្រជុំស្តីពីការពង្រឹងការងារផ្តល់សេវាសាធារណៈដឹកជញ្ជូនផ្លូវគោក ------------------------------------------- នៅព្រឹកថ្ងៃចន្ទ ១រោច ខែបុស្ស ឆ្នាំច សំរឹទ្ធិស័ក ពុទ្ធសករាជ ២៥៦២ ត្រូវនឹងថ្ងៃទី២១ ខែមករា ឆ្នាំ២០១៩ នៅអគ្តនាយកដ្ឋានដឹកជញ្ជូនផ្លូវគោក មានកិច្ចប្រជុំស្តីពីការពង្រឹងការងារផ្តល់សេវាសាធារណៈដឹកជញ្ជូនផ្លូវគោក ដែលមានការចូលរួមពីលោកអគ្គនាយករង លោក លោកស្រីប្រធាននាយកដ្ឋាន លោកអនុប្រធាននាយកដ្ឋាន លោកប្រធានការិយាល័យជំនាញ មន្រ្តីពាក់ព័ន្ធនៃអគ្គនាយកដ្ឋានដឹកជញ្ជូនផ្លូគោក និងមន្ទីរសាធារណការ និងដឹកជញ្ជូនរាជធានី ខេត្ត ក្រោមអធិបតីភាព ឯកឧត្តម ឈួន វ៉ន់ អគ្គនាយកនៃអគ្គនាយកដ្ឋានដឹកជញ្ជូនផ្លូវគោក។ អង្គប្រជុំសម្រេចបានលទ្ធផលដូចខាងក្រោម៖ ១. ឯកភាពខិតខំកាត់បន្ថយពេលវេលានៃការផ្តល់សេវាសាធារណៈឱ្យបាន៥០% ២. ទទួលចុះបញ្ជីរថយន្តចង្កូតស្តាំ ដែលមានស្រាប់នៅក្នុងប្រទេស ដែលបានចុះបញ្ជីបង់ពន្ធ កក់ប្រាក់ នៅតាមបណ្តាលអង្គភាពគយនិងរដ្ឋាករ នៃអគ្គនាយកដ្ឋានគយនិងរដ្ឋាករកម្ពុជាទូទាំងប្រទេស កាលពីឆ្នាំ២០១៦ តែប៉ុណ្ណោះ ៣.មន្ទីរបញ្ឈប់ទទួលបេក្ខជនប្រឡងយកបណ្ណបើកបរប្រភេទសណ្តោង «ង» លើកលែងតែមានការអនុញ្ញាតពីអគ្គនាយកដ្ឋានដឹកជញ្ជូនផ្លូវគោក ៤. បញ្ឈប់ការកែច្នៃយានយន្តខុសលក្ខណៈបច្ចេកទេស