ខេត្តកណ្ដាល៖:អនុវត្តតាមបទបញ្ជារបស់រដ្ឋបាលខេត្តនិងដើម្បីកាត់បន្ថយការលំបាកធ្វើដំណើរ ក៏ដូចជាដឹកជញ្ជូនកសិផលរបស់ប្រជាពលរដ្ឋអាជ្ញាធរឃុំកោះខ្សាច់ទន្លាចាប់ផ្តើមជួសជូលក្នុងមូលដ្ឋានជូនប្រជាពលរដ្ឋ។ មេឃុំកោះខ្សាច់ទន្លា ស្រុកស្អាង ខេត្តកណ្តាល លោក សេង មិន បានមានប្រសាសន៍ថា ដោយអនុវត្តតាមបទបញ្ជាររបស់ឯកឧត្តមអភិបាលខេត្ត និងមើលឃើញអំពីការលំបាករបស់ប្រជាពលរដ្ឋក្នុងការធ្វើដំណើរ កសិផលឡើងទៅកាន់ទីផ្សារនោះទើបឃុំសម្រេចចិត្តបើកការដ្ឋានជួសជុល ដែលរងការខូចដោយសារទឹកជំនន់ បើទោះបីមិនទាន់ផុតរដូវវស្សាក៏ដោយ។ លោកមេឃុំបានលើកឡើង ទូទាំងឃុំមានភូមិចំនួន៨ ហើ យប្រជាពលរដ្ឋប្រមាណ៩០%ពឹងលើរបរកសិកម្ម ហើយឆ្នាំនេះដោយសារទឹកភ្លៀងច្រើនទើបបណ្តាលឱ្យកើតមានជំនន់ ដែលធ្វើឱ្យលំមួយចំនួនក្នុងមូលដ្ឋានរងការខូច ធ្វើឱ្យពិបាកធ្វើដំណើរ ពិសេសគឺផលដំណាំតែម្តង ទើបបានជារដ្ឋបាលឃុំស ម្រេចធ្វើការជួសជុលជាបន្ទាន់ដូច្នេះ ទោះបីជានៅមិនទាន់ផុតរដូវភ្លៀងក៏ដោយ។ លោកបា នបន្ថែមថា ឃុំកោះខ្សាច់ទន្លាស្ថិតនៅលើកោះ ហើយប្រសិនជាទុកដល់រដូវប្រាំង ស៊ឹមធ្វើការជួសជុល ទឺកស្រកខ្លាំងសាឡង់មិនអាចដឹកគ្រឿងចក្រចូលបាននោះទេ ដូច្នោះហើយទើបបានជាយើងធ្វើជាបណ្តើរៗ ហើយថវិការនេះ គឺជាមូលនិធិរបស់ឃុំក្នុងឆ្នាំ២០១៨នេះ ដែលគ្រោងនឹងចំណាយចំនួន១០៨លានរៀល ( ខ្វូតសំឡេង02498 ) ។ លោកមេឃុំ ក៏បាន បញ្ជាក់ដែរថា ទូទាំងឃុំមានសរុបប្រមាណជាង១៥គីឡូម៉ែត្រ ក្នុងនោះបេតុងមានត្រូវ បានស្ថាបនាបានប្រវែង១៣៦០ម៉ែត្រ ហើយនឹងបន្តធ្វើបន្ថែមប្រវែង១០០០ម៉ែត្រទៀត នៅដើមឆ្នាំ២០១៩ ក្រៅពីនោះ ជាដីក្រាសគ្រួសក្រហម និងថ្មល្អិត។ លោកយាយ ម៉ិ អាយុ៧៥ឆ្នាំ រស់នៅភូមិចុងកោះខាងកើត បានមានប្រសាសន៍ថា នៅលើកោះខ្សាច់ទន្លា នេះតាំងពីដើមមកមិនដែលមានបេតុង ឬក្រាលថ្ម គ្រួស និងភ្លើងអគ្គិសនីប្រើប្រាស់ ដូច្នេះនោះទេ គឺជាដី ពេលភ្លៀងម្តងៗបែកភក់ ផុង រអិល ពិបាកណាស់ ប៉ុន្តែ ឥឡូវគឺគ្រាន់បើហើយព្រោះមានបេតុង និងក្រាលគ្រួសក្រហម និងថ្ម និងភ្លើងអគ្គសនីប្រើ មិនពិបាកអុជចង្ក្រៀងដូចមុនទៀតនោះទេ។ ប៉ុន្តែ ឆ្នាំនេះដោយសារទឹកជំនន់ បានធ្វើឱ្យមួយភាគធំរងការខូច ធ្វើឱ្យពិបាកធ្វើដំណើរ ហើយឥឡូវដល់ពេលឃើញអាជ្ញាធរមកជួសជុលឱ្យដូច្នេះ គឺពិតជាសប្បាយចិត្តណាស់ លែងខ្លាចរអិលធ្លាក់ទៀតហើយ៕