ខេត្តព្រះសីហនុៈការចាត់អ៊ុតកៅស៊ូនៅផ្លូវជាតិលេខ៤ត្រង់ចំណុចទីប្រជុំជនផ្សារវាលរេញស្រុកព្រៃនប់ បានដំណើរការហើយចាប់ពីព្រឹកថ្ងៃទី១៩តុលា២០១៨នេះ។បើយោងតាមការបញ្ជាក់ពីឯកឧត្តម យន្ត មីន ថ្លែងបញ្ចាក់ក្នុងឪកាសបើកការដ្ឋានចាត់អ៊ុតកៅស៊ូ នៅចំនុចទីប្រជុំផ្សារវាលរេញ នាចុងសប្តាហ៏កន្លងទៅនេះ។ លោក ណុប ហេង ប្រធានមន្ទីរសាធារណការនិងដឹកជញ្ជូនខេត្តព្រះសីហនុថ្លែងថាថ្ងៃនេះក្រុមការងារមន្ទីរបើកការជួសជុលកំណាត់ផ្លូវជាតិលេខ៤ មុខផ្សារវាលរេញប្រវែង ២០៥ម៉ែត្រ គុណ និង ៧ម៉ែត្រ កម្រាស់ ៨ហ៊ុន (០.០៨ម) ដោយចាក់អ៊ុតកៅស៊ូអេស៊ី (AC) ដែលមានផ្ទៃក្រឡាសរុបចំនួនជិត ២ពាន់ម៉ែត្រការ៉េ (១.៩៣៥ម២)។ នៅក្នុងខែវិច្ឆិកា ឬដើមខែធ្នូ ចុងឆ្នាំ២០១៨នេះ មន្ទីរក៏មានគម្រោងផែនការជួសជុលកែលម្អផ្លូវ និងពង្រីកពង្រីកផ្លូវជាច្រើនខ្សែនៅក្នុងខេត្ដព្រះសីហនុ បន្ទាប់ពី បានរងការខូចខាតយ៉ាងដំណំទាំងផ្លូវតាមជនបទនិងនៅតាមទីក្រុងក្នុងរយៈកាលនៃរដូវវស្សាឆ្នាំ២០១៨។ ចំណែកផ្លូវឯករាជ្យក្នុងក្រុងព្រះសីហនុ ក៏នឹងចាក់អ៊ុតកៅស៊ូឆាប់ៗនេះដែរ ក្រោយផ្នែកបច្ចេកទេសរៀប​សម្រួលបាតផ្លូវនិងប្រពន្ធ័លូរួចរាល់។ ឯកឧត្តមយន្ត មីនអភិបាលខេត្តព្រះសីហនុដែលអញ្ជើញពិនិត្យផ្ទាល់មានប្រសាសន៍ថា គម្រោងជួសជុលស្ថាបនាផ្លូវខូចក្នុងខេត្តព្រះសីហនុ នឹងផ្តើមធ្វើជាបន្តបន្ទាប់ ក្រោយពេលធាតុអាកាសស្បើយទឹកភ្លៀង។ក្រៅពីការចាក់អ៊ុតកៅស៊ូនៅផ្លូវជាតិលេខ៤ត្រង់ទីប្រជុំផ្សារវាលរេញ កំណាត់ផ្លូវមួយចំនួនទៀតក្នុងស្រុកព្រៃនប់ ស្រុកស្ទឹងហាវនិងក្រុងព្រះសីហនុ ដែលបានឈូសឆាយកន្លងមកក៍នឹងធ្វើជាបន្តបន្ទាប់ដែរ។ ទោះជាយ៉ាងនេះក្តីពលរដ្ឋមហាជនដែលជាញឹកញាប់លើកឡើងជាមតិយោបល់តាមបណ្តាញសង្គមFacebook បានស្នើអោយរដ្ឋបាលខេត្តនិងផ្នែកពាក់ពន្ធ័ជួយពន្លឿនតាមដែលអាចធ្វើទៅបាន ក្នុងការចាក់ក្រាលបេតុងផ្លូវអូរ១,អូរ៥ តាមការប្រកាសរបស់ឯកត្តមអភិបាលខេត្ត ដើម្បីឆាប់បានពលរដ្ឋប្រើប្រាស់ដោយងាយស្រួលឡើងវិញ ស្របពេលដែលបច្ចុប្បន្នស្ថានភាពតាមផ្លូវនេះហុយធូលីដីនិងពិបាកធ្វើដំណើរ ដោយសារតែការជួសជុលប្រើពេលយូរពេក។ ក្រៅពីនេះពលរដ្ឋដែលកំពុងប្រើប្រាស់ផ្លូវខូចមួយចំនួនទៀតក្នុងក្រុងព្រះសីហនុ ក៍បានស្នើសុំអោយរដ្ឋបាលខេត្តពិនិត្យលទ្ធភាពក្នុងការសម្រួលឬជួសជុលឡើងវិញផងដែរ នារដូវប្រាំងឆ្នាំនេះ។ ជុំវិញសំណូមពររបស់ប្រជាពលរដ្ឋ អភិបាលខេត្តព្រះសីហនុមានប្រសាសន៍ថា រដ្ឋបាលខេត្តទទួលយកនិងខិតខំរិះរកគ្រប់វិធីក្នុងការស្តារជួសជុលឡើងវិញជាបន្តបន្ទាប់ ហើយបន្ទាប់ពីជុសជុលចំនុចនេះ និងទៅបន្តជុសជុលផ្លូវក្នុងក្រងបន្តទៀត និងផ្លូវសម្តេចសង្ឈពីផ្លូវបំបែកវាលរេញ ទៅស្ទឹងហាវ ហើយបន្តពីស្ទឹងហាវទៅរហូត ដល់ទំនប់រលកតែម្តង ឯកឧត្តមអភិបាលបានបនតទៀតថា ចំពោះមុខប្រជុំជនវាលរេញនេះ បន្ទាប់ពីជុសជុលមួយតំណាក់កាលនេះ និងមានគំរោងចាក់អ៊ុតបេតុងកៅស៊ូពង្រីងទទឹងសង្ខាងផ្លូវម្ខាង៣ម៉ែត្របន្តទៀត ដើម្បីបញ្ជាស់ការកកស្ទះចរាចរណ៍ ស្របពេលដែលកំណើតរថយន្តឆ្លងកាត់មានចំនួនកើនឡើង ៕