កិច្ចប្រជុំពិនិត្យផ្ទៀងផ្ទាត់បរិក្ខារចរាចរណ៍ និងការសិក្សាវាយតម្លៃលើការកែសម្រួលផ្លាកសញ្ញាចរាចរណ៍ និងផ្លាកសញ្ញាកំណត់ល្បឿនលើផ្លូវជាតិលេខ១ លេខ៦ និងលេខ៦១ ទីស្ដីការក្រសួង៖ នារសៀលថ្ងៃអង្គារ ទី២៦ ខែមិនា ឆ្នាំ២០២៤ ឯកឧត្ដម យិត បុណ្ណា រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំលើការផ្ទៀងផ្ទាត់ផ្លាកសញ្ញា និងកែសម្រួលផ្លាកសញ្ញាចរាចរណ៍ ស្ថិតលើផ្លូវជាតិលេខ១ លេខ៦ និងលេខ៦១ ដែលបានប្រមូលរបាយការណ៍ និងសិក្សាវាយតម្លៃដោយ ក្រុមការងារបច្ចេកទេស នៃអគ្គនាយកដ្ឋានបច្ចេកទេស ដោយមានការចូលរួមពីថ្នាក់ដឹកនាំក្រសួង អគ្គនាយកដ្ឋានពាក់ព័ន្ធ និងមន្ត្រីជំនាញពាក់ព័ន្ធ។ កិច្ចប្រជុំនេះរៀបចំឡើងក្នុងគោលបំណង ដើម្បីពិភាក្សា និងផ្តល់ធាតុចូលបន្ថែម លើលទ្ធផលការងាររបស់ក្រុមការងារបច្ចេកទេស ដែលបានចុះយកទិន្នន័យ និងវិភាគលទ្ធផល លើការកំណត់ផ្លាកសញ្ញាចរាចរណ៍ និងផ្លាកសញ្ញាកំណត់ល្បឿន លើផ្លូវជាតិលេខ១ លេខ៦ និងលេខ៦១។ ការសិក្សានេះ ក្នុងគោលដៅចូលរួមចំណែកកាត់បន្ថយគ្រោះថ្នាក់ចរាចរណ៍ ក៍ដូចជាការលើកកម្ពស់សោភ័ណភាពផ្លូវ ឱ្យសមស្របទៅតាមស្ថានភាពបច្ចុប្បន្ន នៃការបើកបរ និងស្ថានភាពផ្លូវដែលអាចឲ្យពលរដ្ឋធ្វើដំណើរប្រកបដោយសុវត្ថិភាពតាមលក្ខណៈបច្ចេកទេសផ្លូវ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube