សាលារាជធានីភ្នំពេញ និង មន្ទីរសាធារណការ និងដឹកជញ្ជូនរាជធានីភ្នំពេញ បានខិតខំទាំងយប់ទាំងថ្ងៃក្នុងយុទ្ធនាការគំនូសសញ្ញាចរាចរថ្មី ក្នុងរាជធានីភ្នំពេញ គិតត្រឹមថ្ងៃទី២៦ មេសា ២០២៣នេះគម្រោងគូសគំនូសសញ្ញាចរាចរណ៍ថ្មីកំណាត់មហាវិថីព្រះនរោត្តម មហាវិថី សហព័ន្ធរុស្សី តំបន់រមណីដ្ឋានប្រវត្តិសាស្រ្តវត្តភ្នំ មហាវិថីព្រះសីហនុ ជាយុទ្ធសាស្ត្រចរាចរ និងលើកសោភ័ន្ធភាព រាជធានីភ្នំពេញ ដើម្បីត្រៀមកម្ពុជាធ្វើជាម្ចាស់ផ្ទះនៃការប្រកួតកីឡាសុីហ្គេមលើកទី៣២ ឆ្នាំ២០២៣ខាងមុខដល់ខ្លីនេះ ព្រមទាំងចូលរួមលើកកំម្ពស់សោភ័ន្ធភាព រាជធានីភ្នំពេញ និងលើកកម្ពស់សុវត្ថិភាពក្នុុងការធ្វើចរាចរ សម្រេចបានជាបន្តបន្ទាប់តាមផែនការហើយ ។ សាលារាជធានីភ្នំពេញ មន្ទីរសាធារណការនិងដឹកជញ្ជូនរាជធានីភ្នំពេញ សំណូមពរដល់ប្រជាពលរដ្ឋ និងអ្នកធ្វើដំណើរនៅលើដង មហាវិថី ព្រះមុន្នីវង្ស មហាវិថីព្រះនរោត្តម មហាវិថីព្រះសីហនុ និងមហាវិថីសហព័ន្ធរុស្សី សូមមេត្តាចូលរួមគោរពទៅតាមគំនូសសញ្ញាចរាចរណ៍អោយបានត្រឹមត្រូវ ដើម្បីចូលរួមលើកកម្ពស់នីត្យានុគោលភាពជាតិផង និងសោភ័ន្ធភាពរាជធានីភ្នំពេញយើង ។ ម្យ៉ាងវិញទៀតសូមមេត្តាយោគយល់អោយបានច្រើន ដើម្បីអោយបងប្អូនធ្វើដំណើបានស្រួល និងសុវត្តិភាពខ្ពស់ ជាពិសេសពេលមានក្បួនគណប្រតិភូឆ្លងកាត់ ប្រជាពលរដ្ឋដែលធ្វើដំណើស្រប នឹងក្បួនត្រូវគោរពតាមការបញ្ជារបស់នគរបាលចរាចរណ៍ ៕