(កំពង់ស្ពឺ)៖ ឯកឧត្តម ហ៊ុន ម៉ានី អ្នកតំណាងរាស្រ្តមណ្ឌលកំពង់ស្ពឺ នាព្រឹកថ្ងៃនេះ បានអញ្ជើញបើកការដ្ឋានសាងសង់ផ្លូវបេតុង ១ ខ្សែ ប្រវែង ៤,២ គ.ម. ឆ្លងកាត់ឃុំត្រពាំងគង និងឃុំវល្លិស នៃស្រុកសំរោងទង ខេត្តកំពង់ស្ពឺ ដែលប្រើប្រាស់ថវិកាឥណទាន អភិវឌ្ឍ​ខេត្តរបស់រាជរដ្ឋាភិបាល។ ឯកឧត្តម ហ៊ុន ម៉ានី បានអបអរសាទរអ្នកខេត្តកំពង់ស្ពឺ ដែលទទួលបានចំណងដៃផ្លូវបេតុងថ្មីមួយខ្សែទៀត សម្រាប់សម្រួល​ការធ្វើដំណើរ ការដឹកជញ្ជូនទំនិញក្នុងឃុំ និងឆ្លងកាត់ ដើម្បីជំរុញការអភិវឌ្ឍសេដ្ឋកិច្ចក្នុងខេត្ត និងប្រទេសជាតិ៕