ភ្នំពេញ ៖ គម្រោងលើកកម្ពស់គុណភាពផ្លូវជាតិលេខ៧ មានប្រវែង ៤៥,៥០ គីឡូម៉ែត្រ គិតចាប់ពីស្គន់ ដល់ក្រុងកំពង់ចាម ខេត្តកំពង់ចាម នឹងពង្រីកទៅជាផ្លូវ៤គន្លង គឺពីរគន្លងទៅ, ពីរគន្លងមក ដោយគ្រោងចំណា យថវិកាសរុបប្រមាណ ១១៤,៨៩ លានដុល្លារ ដែលជាហិរញ្ញប្បទានពីសាធារណរដ្ឋប្រជាមានិតចិន ហើយគ្រោងចំណាយពេលសាងសង់ប្រមាណ ៣៦ ខែ អនុវត្តការងារសាងសង់ដោយក្រុមហ៊ុនសាជីវកម្មស្ពាន និងថ្នល់ចិន។ នេះបើតាមក្រសួងសាធារណការ និងដឹកជញ្ជូនផ្សព្វផ្សាយឱ្យដឹងនៅថ្ងៃទី២៥ ខែវិច្ឆិកា ឆ្នាំ២០២២ ស្ដីពីកិច្ចប្រជុំពិភាក្សាលើកទី១ នៃគម្រោងលើកកម្ពស់គុណភាពផ្លូវជាតិលេខ៧ ពីស្គន់ ដល់ក្រុងកំពង់ចាម ខេត្តកំពង់ចាម ដែលដឹកនាំកិច្ចប្រជុំដោយឯកឧត្តម លឹម ស៊ីដេនីន រដ្ឋលេខា ធិការក្រសួងសាធារណការ និងដឹកជញ្ជូន។ កិច្ចប្រជុំនេះរៀបចំឡើងក្នុងគោលបំណង ណែនាំសមាសភាពក្រុមការងារក្រសួងសាធារណការ និង ដឹកជញ្ជូន ទៅកាន់ក្រុមហ៊ុនសាជីវកម្មស្ពាន និងថ្នល់ចិន (CRBC) ដើម្បីឱ្យក្រុមការងារទាំងពីរអាចស ហការការងារបានរលូន​ប្រកបដោយប្រសិទ្ធភាព។ ធ្វើបទបង្ហាញពីលទ្ធផលនៃការសិក្សាគម្រោងលើកកម្ពស់គុណភាពផ្លូវជាតិលេខ៧ ពីស្គន់ ដល់ក្រុងកំពង់ចាម, និងបែងចែកក្រុមការងារសម្រាប់ដោះស្រា យការងារបន្ទាន់ ការរៀបចំសណ្ដាប់ធ្នាប់ទីតាំងការដ្ឋាន និងត្រៀមផ្សព្វផ្សាយ​ជូនដំណឹងដល់ប្រជាព លរដ្ឋអំពីការបើកការដ្ឋានសាងសង់ផ្លូវជាតិលេខ៧ នេះនាពេលឆាប់ៗខាងមុខ៕