រាជធានីភ្នំពេញ៖ យោងតាមការចុះផ្សាយរបស់ ក្រសួងសាធារណការ និងដឹកជញ្ជូន នៅថ្ងៃទី៣១ ខែឧសភា ឆ្នាំ២០២២ ក្រសួងសាធារណការ បានឆ្លើយតបនឹងសំណួរ ដែលសួរច្រើនជាងគេ តាមរយៈលេខទូរស័ព្ទ (HOTLINE) 1275ថា៖ តើទីតាំងមណ្ឌលត្រួតពិនិត្យលក្ខណៈបច្ចេកទេសយានជំនិះ(ឆៀក)នៅភ្នំពេញមានប៉ុន្មានទីតាំង? ក្រសួងសាធារណការ បានឲ្យដឹងថា ត្រួតពិនិត្យលក្ខណៈបច្ចេកទេសយានជំនិះនៅភ្នំពេញមានចំនួន ០៧ទីតាំង៖ • ឬស្សីកែវ ផ្លូវលេខ៥៩៨(ឯកឧត្តម ជា សុផារ៉ា) • ជ្រោយចង្វារ ផ្លូវជាតិលេខ៦(ចន្លោះស្ពានទី៣ និងស្ពានទី៤) • ចំការដូង ផ្លូវលេខ២១៧(ជិតសាលាខណ្ឌដង្កោ) • បឹងស្នោរ ផ្លូវជាតិលេខ១(ជាប់ចំណតយានយន្តលោកជំទាវ ស៊យ សុផាន) • កំបូល ផ្លូវជាតិលេខ៤(ទល់មុខជិតតំបន់សេដ្ឋកិច្ចពិសេសភ្នំពេញ) • បឹងបៃតង ផ្លូវលេខ១៩២៨(ក្បែរផ្សារបឹងបៃតង) • អូដឹម ផ្លូវជាតិលេខ៤(អូដឹម) ព័ត៌មានលម្អិតទំនាក់ទំនងលេខទូរសព្ទ(Hotline)៖ 1275 ៕ ប្រភព៖ ក្រសួងសាធារណការ និងដឹកជញ្ជូន Ministry of Public Works and Transport – MPWT