ឯកឧត្តម​ ហ៊ុន​ ម៉ានិត​ សម្ពោធដាក់ឲ្យប្រេីប្រាស់ជាផ្លូវការផ្លូវក្រាលកៅស៊ូ DBST ចំនួន ១៦.៨ គីឡូម៉ែត ដែលតភ្ជាប់ពីឃុំតាអុង ទៅឃុំជយោ ស្រុកចំការលេី ខេត្តកំពង់ចាម ផ្លូវនេះ បានបេីកការដ្ឋានសាងសង់ ចាប់តាំងពីខែកុម្ភៈ ឆ្នាំ២០២២ និងបានបញ្ចប់ជាស្ថាពរនៅខែឧសភា ដែលក្រុមហ៊ុនបានពន្លឿនការសាងសង់ឲ្យទាន់មុនរដូវវស្សាមកដល់ ដេីម្បីកាត់បន្ថយការលំបាករបស់ប្រជាជន និងជាប្រយោជន៍សម្រាប់ប្រជាជនក្នុងស្រុកចំការលេី ដោយគោរពតាមស្តង់ដាគុណភាព។ តាមរយៈផ្លូវមួយខ្សែរនេះ នឹងជួយដល់ប្រជាជន ក្នុងស្រុកចំការលេី ជាពិសេសក្នុងឃុំទាំងពីរ កាត់បន្ថយពេលវេលាធ្វេីដំណើរ ចំណេញទាំងថវិកា និងបង្កភាពងាយស្រួលក្នុងការដឹកជញ្ជូនកសិផលបងប្អូនកសិករ។ ឯកឧត្តម​ ហ៊ុន​ ម៉ានិត​ ៖​កិច្ចខិតខំប្រឹងប្រែងរបស់គណបក្សប្រជាជនកម្ពុជា និងរាជរដ្ឋាភិបាល គឺដេីម្បីសុខសន្តិភាព និងស្ថិរភាពសង្គម និងផលប្រយោជន៍ជាតិ រួមគ្នាជាមួយប្រជាពលរដ្ឋអភិវឌ្ឍសេដ្ឋកិច្ច សង្គមរបស់យេីង។ សូមអរគុណបងប្អូន ពូមីង លោកយាយលោកតា ដែលតែងតែគាំទ្រសម្តេចតេជោ ហ៊ុន សែន និងបោះឆ្នោតជូនគណបក្សប្រជាជនកម្ពុជា។ ការជឿទុកចិត្ត ស្រលាញ់ និងការចូលរួមរបស់ប្រជាពលរដ្ឋ គួបផ្សំនឹងកម្លាំងចលករផ្សេងៗទៀត យើងនឹងបន្តដំណើរជាមួយគ្នាបន្ថែមទៀត បោះជំហានជាបន្តបន្ទាប់ឆ្ពោះទៅការអភិវឌ្ឍ រួមជាមួយសុខសន្តិភាព។