កណ្តាល៖កាលពីរសៀលថ្ងៃទី១០ ខែឧសភា ឆ្នាំ២០២២ លោក ម៉ឹង យូឡេង ប្រធានមន្ទីរសាធារណការនិងដឹកជញ្ជូនខេត្តកណ្តាល បានដឹកនាំមន្ត្រីពាក់ព័ន្ធទៅចុះពិនិត្យមើលនិងជួសជុលផ្លូវលេខ១០៨ នៅក្រុងតាខ្មៅ អោយមានភាពងាយស្រួលធ្វើដំណើរឡើងវិញហើយ ។ មន្ត្រីជំនាញ អះអាងថា មន្ត្រីបច្ចេកទេសទីចាត់ការវិនិយោគខេត្តកណ្តាល បានចុះពិនិត្យផ្លូវ ដែលរងការខូចខាតធ្ងន់ធ្ងរ ដោយសារជំនន់ទឹកភ្លៀង ពិសេសផ្លូវលេខ១០៨ ដែលជន់លិចរយៈពេល៣ឆ្នាំ ជាប់មកហើយពីឆ្នាំ២០១៩ ដល់ឆ្នាំ២០២១ ។ ចំណែកផ្លូវលេខ១១១ ជាគម្រោងវិនិយោគរបស់ខេត្តកណ្តាលឆ្នាំ២០២២ ដែលគ្រោងនឹងចាក់បេតុងកម្រាស់០,១៥ម៉ែត្រ ទទឹង១០ម៉ែត្រ ប្រវែង២៧០ម៉ែត្រ ៕