សម្រាប់លោកអ្នកដែលមិនទាន់មានការងារធ្វើ ឬមិនដឹងត្រូវវរៀនជំនាញអ្វី ស្របពេលសព្វថ្ងៃគ្មានលុយបង់ថ្លៃរៀនទៀតនោះ។ ឥឡូវនេះលែងលំបាកហើយ ដោយសារក្រសួងទេសចរណ៍ និងវិទ្យាស្ថានតេជោសែន សាធារណការ និង ដឹកជញ្ជូន បានប្រកាសបង្រៀនចំនាញសំខាន់ចំនួន ពីរ ដោយឥតថ្លៃ ខណៈជំនាញខ្លះក៏មានផ្ដល់កម្រៃបន្ថែមសម្រាប់ការចូលរៀនផងដែរ។ ដោយជំនាញទាំងនេះនោះរួមមាន៖ ១. ទំនាញបច្ចេកទេសយានយន្ត កាលពីពេលថ្មីៗកន្លងទៅនេះ វិទ្យាស្ថានតេជោសែន សាធារណការ និង ដឹកជញ្ជូន​ បានប្រកាសជ្រើសរើសបេក្ខជន និង បេក្ខនារី ដែលមានចំណាប់អារម្មណ៌ វគ្គបណ្ដុះបណ្ដាលបច្ចេកទេសយានយន្ត ដើម្បីមកសិក្សានៅវិទ្យាស្ថានតេជោសែន សាធារណការ និង​ ដឹកជញ្ជូន ចំនួន ១២៥ នាក់។ តាមការបញ្ជាក់ពីវិទ្យាស្ថាន លក្ខខណ្ឌជ្រើសរើសមានដូចជា៖ ត្រូវមានអាយុចាប់ពី ១៨ ឆ្នាំ ដល់ ៣០ ឆ្នាំ សញ្ញាបត្រចាប់ពីថ្នាក់ទី ៩ ឡើងទៅ ត្រូវមានសញ្ជាតិជាខ្មែរ មានសម្ថភាព និង ឆន្ទៈខ្ពស់ ត្រូវមានការអត់ធន់នឹងការងារ​ ចេះអាន និង​ ចេះសរសេរអក្សរខ្មែរច្បាស់លាស់ មានក្រមសីលធម៌ និង វិន័យល្អ ត្រូវចូលបម្រើការងារនៅក្រុមហ៊ុន RMA បន្ទាប់ពីបញ្ចប់វគ្គបណ្ដុះបណ្ដាលដោយជោគជ័យ ចំពោះអត្ថប្រយោជន៍ដែលទទួលបាន ទទួលបានប្រាក់ឧបត្ថមប្រចាំខែចំនួន ៦០ដុល្លារ រយៈពេល៤ ខែ ទទួលបានចំណេះដឹងនិងជំនាញបច្ចេកទេសពិតប្រាកដ ទទួលបានឳកាសចុះហាត់ការនៅក្រុមហ៊ុន RMA Group ដោយទទួលបានប្រាក់ឧបត្ថម ( ១០០ ដុល្លារ) ក្នុងរយៈពេល ៤ ខែផងដែរ ក្រោយពេលបញ្ចប់ការសិក្សារយៈពេល ៤ ខែ បក្ខជន និង បេក្ខនារី និងទទួលបានឳកាសការងារជាច្រើននៅក្នុងក្រុមហ៊ុន RMA Group ​ ២ ជំនាញផ្នែកដុតនំ ដោយឡែក ក្រសួងទេសចរណ៍ថ្មីៗនេះ ក៏បានសហការជាមួយ ក្រុមហ៊ុន Willmar CV បើកវគ្គបណ្ដុះបណ្តាលជំនាញវិជ្ជាជីវៈទេសចរណ៍តាមប្រព័ន្ធអនឡាញ និងសិក្សាដោយផ្ទាល់ លើជំនាញដុតនំ។ តាមការបញ្ជាក់ពីក្រសួង សម្រាប់វគ្គបណ្ដុះបណ្ដាលនេះនឹង ចាប់ផ្ដើមសិក្សាពីថ្ងៃទី ០៣ ខែ មិថុនា​​​ ឆ្នាំ ២០២២ តទៅរៀងរាល់ថ្ងៃសុក្រ ។ សម្រាប់បុគ្គលិកបម្រើការក្នុងវិស័យទេសចរណ៍ យុវជន សិស្ស និស្សិត និង សាធារណជនទាំងអស់អាចធ្វើការចុះឈ្មោះបានតាមយៈ តាមនាយកដ្ឋានបណ្ដុះបណ្ដាលជំនាញវិជ្ជាជីវៈទេសចរណ៌នៃក្រសួងទេសចរណ៌ឬ តាម រយៈលេខទូរស័ព្ទ ០៧៨៨៩៩៩៩១៩/ ០៩៦ ៤៩៥ ២៧៩១។ សិក្សាតាមអនឡាញ ( សិក្ខាកាមគ្នានចំនួនកំណត់ ) តាមរយៈអាសយដ្ឋានគេហទំព័រ https://www.tptd.org ៕ អត្ថបទដោយ៖ ឌឿក ស្រីនុត រតនៈ