ដោយ:បាយ័ន/សៀមរាបៈ ក្រុមការងារចម្រុះដែលមានមន្ទីរសាធារណការ​ និងដឹកជញ្ជូនខេត្ត សហការជាមួយនគរបាលចរាចរណ៍ សមត្ថកិច្ចប្រឆាំងបទល្មេីសគ្រឿងញៀន នៃស្នងការនគរបាលខេត្ដ សៀមរាប កម្លាំងកងរាជអាវុធហត្ថ(អ.ហ) និងមន្ត្រីជំនាញមូលដ្ឋាន បានចុះពង្រឹងការអនុវត្តច្បាប់ចរាចរណ៍ផ្លូវគោកក្នុងភូមិសាស្ត្រស្រុកស្វាយលើ។ ក្រុមការងារដឹកនាំដោយ លោកពិន​ ប្រាកដ​ អភិបាលរងខេត្ត​ និងមានការចូលរួមពីលោកជួត ច័ន្ទតារា អនុប្រធានមន្ទីរសាធារណការ​ និងដឹកជញ្ជូនខេត្ត​ ទទួលបន្ទុក។ នេះបើតាមការបញ្ជាក់របស់សាលាខេត្តសៀមរាននៅថ្ងៃទី ៩ ខែកុម្ភៈ។ ជាលទ្ធផលបានត្រួតពិនិត្យយានយន្តសរុបចំនួន​ ៧៥គ្រឿង យានយន្តត្រឹមត្រូវចំនួន​ ៦៦គ្រឿង យានយន្តខុសលក្ខណៈបច្ចេកទេសចំនួន​ ប្រាំបួនគ្រឿង​ បានដោះភ្លើងបំពាក់ខុសលក្ខណៈបច្ចេកទេស ចចំនួនប្រាំបួនគ្រឿង។បានធ្វើការណែនាំអ្នកបើកបរគោយន្តកន្រ្តៃ​ និងបិទស្ទីកឃ័រចំណាំងផ្លាតចំនួន ៥៧គ្រឿង។ ជាមួយគ្នានេះដែរ​ ក្រុមការងារក៏បានចែកខិត្តប័ណ្ណអប់រំផ្សព្វផ្សាយ មានដូចជា៖​ សៀវភៅអ្វីដែលអ្នកបើកបរម៉ូតូត្រូវយល់ដឹង ៣០ក្បាល​ ឯកសារជំនួយស្មារតីអ្នកបើកបរ ៣០សន្លឹ​ និងសៀវភៅច្បាប់ចរាចរណ៍ផ្លូវគោក​ ៣០ក្បាល៕សរន