[Khmer times] - ផ្លូវពាណិជ្ជកម្មតភ្ជាប់ប្រទេសថៃនិងកម្ពុជាបញ្ចប់ការសាងសង់បាន៩០ភាគរយ
2020-12-23
ទៅកាន់ទំព័រចុះផ្សាយក្នុង Khmer times
ផ្លូវពាណិជ្ជកម្មដែលតភ្ជាប់រវាងខេត្តត្រាត ប្រទេសថៃ និងស្រុកវាលវែងរបស់ប្រទេសកម្ពុជាក្នុងខេត្តពោធិ៍សាត់បានបញ្ចប់ ៩០ ភាគរយ ហើយត្រូវបានរំពឹងថានឹងបញ្ចប់រួចរាល់ជាស្ថាពរមុនពេលកំណត់។ នេះបើយោងតាមរដ្ឋបាលខេត្តពោធិ៍សាត់។
រដ្ឋាភិបាលប្រទេសថៃបានចំណាយថវិកាជិត ២ លានដុល្លារក្នុងការកសាងផ្លូវពាណិជ្ជកម្មតភ្ជាប់រវាងប្រទេសទាំងពីរនេះ។
ផ្លូវនេះមានទទឹង១៤ម៉ែត្រ ប្រវែង១.៩គីឡូម៉ែត្រ ដែលមាន៤គន្លង រវាងច្រកព្រំដែន ក្នុងភូមិថាសេន ឃុំឡែមកាត់ ស្រុកមឿង ខេត្តត្រាត ប្រទេសទេសថៃ ទៅច្រកផ្លូវជាតិលេខ៥៥ (ច្រកថ្មដា) ស្ថិតក្នុងភូមិសង្គមថ្មី ឃុំថ្មដា ស្រុកវាលវែង ខេត្តពោធិ៍សាត់ ប្រទេសកម្ពុជា។
ការសម្រេចសាងសង់ខ្សែផ្លូវពាណិជ្ជកម្មនេះឡើង បន្ទាប់ពីសភាថៃបានអនុម័ត តាមសំណើ របស់អភិបាលខេត្តត្រាត កាលពីថ្ងៃទី២៧ ខែវិច្ឆិកា ឆ្នាំ២០១៩កន្លងទៅ។
ផ្លូវពាណិជ្ជកម្មនេះនឹងក្លាយជាបណ្តាញសេដ្ឋកិច្ចដ៏សំខាន់មួយដែលភ្ជាប់ទំនាក់ទំនងពាណិជ្ជកម្មនិងអាជីវកម្មរបស់ប្រទេសនានា ជាពិសេសតភ្ជាប់ផ្លូវជាតិលេខ ៥ ទៅត្រាតនៅពេលដែលការសាងសង់ផ្លូវជាតិលេខ ៥៥ របស់ប្រទេសកម្ពុជាបញ្ចប់ទៅ។
ផ្លូវជាតិលេខ ៥៥ មានប្រវែង ១៨២ គីឡូម៉ែត្រដែលតភ្ជាប់ស្រុកវាលវែង ខេត្តពោធិ៍សាត់ ទៅកាន់ថ្មដា (ព្រំដែនកម្ពុជា – ថៃ) ។
ការសាងសង់ផ្លូវនេះចំណាយថវិកា ១៣២,៨ លានដុល្លារអាមេរិក ដែលត្រូវបានផ្តល់មូលនិធិដោយរដ្ឋាភិបាលចិនសហការជាមួយមូលនិធិរបស់រាជរដ្ឋាភិបាលកម្ពុជា៕
