យោងតាមសេចក្តីប្រកាសរបស់ក្រសួងធនធានទឹកបានរាយការណ៍ថា នៅថ្ងៃទី ២៦ ខែ តុលា ព្យុះទី ១៨ ឈ្មោះ ម៉ូឡាវ (MOLAVE) បានបង្កើតឥទ្ធិពលរបស់ខ្លួនក្នុងសមុទ្រចិនខាងត្បូង។ព្យុះនេះមានទិសដៅឆ្ពោះទៅប្រទេសវៀតណាមត្រង់ចំណុច ក្វាងងៃ (Quang Ngai ) រួចថមថយឥទ្ធិពលជាបន្តបន្ទាប់ឆ្លងកាត់ប្រទេសឡាវ និងប្រទេសថៃ នាថ្ងៃទី ២៩ ខែ តុលា ឆ្នាំ២០២០ ។ជ្រលងវិសម្ពាធនិងសម្ពាធទាបម៉ូឡាវមានឥទ្ធិពលមកលើប្រទេសកម្ពុជានៅថ្ងៃទី ២៨ដល់ថ្ងៃ ២៩ ខែតុលា ។ ជាហេតុធ្វើឱ្យតំបន់ធំ៣ នឹងទទួលេងឥទ្ធិពលនេះ៖ ១.បណ្តាខេត្តនៅតំបន់ទំនាបកណ្តាល៖ បណ្តារាជធានី​- ខេត្តមួយចំនួននៅភាគខាងក្រោមនឹងព្រំដែនវៀតណាម ភ្លៀងនៅបន្តមានក្នុងកម្រិតពីតិចទៅមធ្យមរហូតដល់ថ្ងៃទី២ ខែវិច្ឆិកា។តែសម្រាប់ថ្ងៃទី ២៨ ដល់ ២៩ ខែតុលា ពិសេសភាគពាយ័ព្យ​នឹងមានភ្លៀងធ្លាក់រាយប៉ាយក្នុងកម្រិតបរិមាណពីមធ្យមទៅច្រើន។ ២.បណ្តាខេត្ត ជាប់ជួរភ្នំដងរែក និងខ្ពង់រាបឦសាន ៖ ភ្លៀងនៅបន្តមានក្នុងកម្រិតពីតិចទៅបង្គួររហូតដល់ថ្ងៃទី ២ ខែវិច្ឆិកា តែមានច្រើនលាយឡំនឹងខ្យល់ខ្លាំងនៅថ្ងៃទី ២៨ ដល់ថ្ងៃ២៩ ខែតុលា។ ៣.តំបន់មាត់សមុទ្រ ៖ នឹងអាចមានភ្លៀងធ្លាក់រាយប៉ាយនៅក្នុងកម្រិតបរិមាណពីតិចទីបង្គួរ៕