ថ្ងៃពុធ ៧រោច ខែភទ្របទ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី០៩ ខែកញ្ញា ឆ្នាំ២០២០ ឯកឧត្ដម ស៊ុន ចាន់ថុល ទេសរដ្ឋមន្ត្រី ទទួលជួបសម្ដែងការគួរសម និងពិភាក្សាជាមួយក្រុមហ៊ុន Metfone នៅទីស្ដីការក្រសួងសាធារណការ និងដឹកជញ្ជូន ក្នុងជំនួបពិភាក្សានាឱកាសនោះបានបង្ហាញនូវកិច្ចចូលរួមសហប្រតិបត្ដិការពីខាងក្រុមហ៊ុន ដេីម្បីពិនិត្យលទ្ធភាព ដាក់បញ្ចូលនូវការប្រេីប្រាស់ប្រព័ន្ធបច្ចេកវិទ្យាថ្មីៗ បម្រេីជាប្រយោជន៍ក្នុង វិស័យសាធារណការ និងដឹកជញ្ជូនកាន់តែមានភាពល្អប្រសើរ និងប្រកបដោយប្រសិទ្ធភាពបន្ថែមទៀត៕