ឯកឧត្តមអនុរដ្ឋលេខាធិការ កឹម បូរី ដឹកនាំកិច្ចប្រជុំពិនិត្យពិភាក្សាបន្តលើសេចក្តីព្រាងច្បាប់ស្តីពីទឹកកខ្វក់ និងប្រព័ន្ធលូ ទាក់ទងនឹងជំពូកទី៤ ស្តីពីបទប្បញ្ញាត្តិទូទៅ មាត្រា១២-២០ ថ្ងៃព្រហស្បតិ៍ ៩កើត ខែភទ្របទ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៧ ខែសីហា ឆ្នាំ២០២០ នៅទីស្ដីការក្រសួង ឯកឧត្តម កឹម បូរី អនុរដ្ឋលេខាធិការក្រសួងសាធារណការ និងដឹកជញ្ជូន បាន អញ្ជើញដឹកនាំកិច្ចប្រជុំពិភាក្សាបន្តលើសេចក្តីព្រាងច្បាប់ស្តីពីទឹកកខ្វក់ និងប្រព័ន្ធលូ ដោយមានការ ចូលរួមពីថ្នាក់ដឹកនាំក្រសួង និងមន្ត្រីជំនាញពាក់ព័ន្ធសំខាន់ៗ។ អង្គប្រជុំបានពិភាក្សាលើការប្រើប្រាស់ពាក្យពេចន៍ ឃ្លាឃ្លោង និងខ្លឹមសារទាក់ទងនឹងជំពូកទី៤ ស្តីពីបទ ប្បញ្ញាត្តិទូទៅ មាត្រា១២-២០ នៃសេចក្តីព្រាងច្បាប់ស្ដីពីទឹកកខ្វក់ និងប្រព័ន្ធលូ សំដៅរៀបចំសេចក្ដីព្រាង ច្បាប់នេះឱ្យលេចចេញជារូបរាងឡើងប្រកបដោយភាពច្បាស់លាស់ ឈរលើគោលការណ៍រួម មាន អត្ថន័យ និងខ្លឹមសារគ្រប់គ្រាន់ ដើម្បីដាក់ឆ្លងកិច្ចប្រជុំអន្តរក្រសួងឱ្យបានឆាប់តាមដែលអាចធ្វើបាន។ ឯកឧត្តមអនុរដ្ឋលេខាធិការ បានជំរុញឱ្យក្រុមមន្ត្រីជំនាញពាក់ព័ន្ធផ្តល់ធាតុចូលឱ្យបានផុលផុស និង ច្បាស់លាស់ ដើម្បីឱ្យសេចក្តីព្រាងច្បាប់នេះមានលក្ខណៈគ្រប់ជ្រុងជ្រោយ អាចគ្រប់គ្រងប្រព័ន្ធលូ និងប្រព័ន្ធប្រព្រឹត្តកម្មទឹកកខ្វក់ ដែលជាកិច្ចការដ៏សំខាន់ក្នុងខណៈដែលចំនួនប្រជាជន និងសកម្មភាព អភិវឌ្ឍន៍នៅតាមទីក្រុងកំពុងមានការកើនឡើងគួរឲ្យកត់សម្គាល់។ នៅពេលច្បាប់នេះចូលជាធរមាន វានឹងជួយធ្វើឱ្យប្រសើរឡើងដល់ការគ្រប់គ្រងប្រព័ន្ធលូ និងប្រព័ន្ធ ប្រព្រឹត្តិកម្មទឹកកខ្វក់ ដើម្បីយកមកអនុវត្តឱ្យមានប្រសិទ្ធភាពខ្ពស់ និងឆ្លើយតបទៅនឹងការអភិវឌ្ឍពេល បច្ចុប្បន្ន ក្នុងការសាងសង់ ជួសជុល និងថែទាំប្រព័ន្ធលូ ប្រព័ន្ធចម្រោះទឹកកខ្វក់ ប្រឡាយ គ្រប់គ្រង សំណល់ភក់ និងប្រព័ន្ធការពារទឹកជំនន់ព្រមទាំងចូលរួម និងផ្តល់ការគាំទ្រក្នុងការរៀបចំគោល នយោបាយ យុទ្ធសាស្ត្រផែនការសកម្មភាពមេ និងផែនការអភិវឌ្ឍន៍ជាតិផងដែរ៕