ប្រជាពលរដ្ឋដែលថតផ្លូវមានជង្ហុក និងសំបុកមាន់ រាយការណ៍ទៅកាន់ក្រសួងសាធារណការ និង ដឹកជញ្ជូន តាមរយៈកម្មវិធី «ROAD CARE Mobilbe App» បានច្រើនជាងគេនឹងមានឱកាសឈ្នះរង្វាន់ ទូរស័ព្ទ iPhone 11 Pro, OPPO និង Airpod ផងដែរ ។យោងតាមការប្រកាសរបស់ក្រសួងបានឱ្យដឹងថា អ្នកដែលឈ្នះរង្វាន់នេះ គឺត្រូវរាយការណ៍ដោយមាន ភ្ជាប់រូបភាព ខ្លឹមសារ និងទីតាំងត្រឹមត្រូវបានច្រើនជាងគេ ។ ប្រជាពលរដ្ឋដែលថតផ្លូវមានជង្ហុក និងសំបុកមាន់ រាយការណ៍ទៅកាន់ក្រសួងសាធារណការ និង ដឹកជញ្ជូន តាមរយៈកម្មវិធី «ROAD CARE Mobilbe App» បានច្រើនជាងគេនឹងមានឱកាសឈ្នះរង្វាន់ ទូរស័ព្ទ iPhone 11 Pro, OPPO និង Airpod ផងដែរ ។ យោងតាមការប្រកាសរបស់ក្រសួងបានឱ្យដឹងថា អ្នកដែលឈ្នះរង្វាន់នេះ គឺត្រូវរាយការណ៍ដោយមាន ភ្ជាប់រូបភាព ខ្លឹមសារ និងទីតាំងត្រឹមត្រូវបានច្រើនជាងគេ ។ លទ្ធផលអ្នកឈ្នះរង្វាន់ នឹងត្រូវប្រកាសនៅថ្ងៃទី ១៤ ខែធ្នូ ឆ្នាំ ២០១៩ នៅទំព័រ Facebook ផ្លូវការរបស់ ក្រសួង ។ ក្រសួងបានឱ្យដឹងថា អ្នកឈ្នះរង្វាន់ទូរស័ព្ទ iPhone, OPPO និង Airpod ត្រូវទៅបង្ហាញខ្លួនដើម្បីទទួល រង្វាន់ នៅក្នុងកម្មវិធីបិទយុទ្ធនាការបណ្តុះបណ្តាល និងផ្សព្វផ្សាយបច្ចេកទេសជួសជុលថែទាំផ្លូវ និង កម្មវិធីថែទាំផ្លូវ (ROAD CARE Mobile App) នៅសណ្ឋាគារ ប្រេសុីដង់ នៅថ្ងៃទី ១៦ ខែធ្នូ ឆ្នាំ ២០១៩ ។សម្រាប់ព័ត៌មានលំអិតទាក់ទងទូរស័ព្ទលេខ៖ 085 92 90 90 | 015 92 90 90 | 067 92 90 90 | 023 42 66 40 ។ សូមបញ្ជាក់ថាកម្មវិធី «ROAD CARE Mobile App» គឺជាកម្មវិធីមួយបង្កើតដោយក្រសួង សាធារណ ការ និងដឹកជញ្ជូន ។ កម្មវិធីនេះប្រជាពលរដ្ឋអាចទាញយកពី App Store និង Play Store ។បន្ទាប់ពីទាញបានកម្មវិធីនេះហើយ ប្រជាពលរដ្ឋអាចរាយការណ៍ពីផ្លូវជង្ហុក ផ្លូវសំបុកមាន់ និងផ្លូវខូច ដទៃទៀតទៅកាន់ក្រសួងសាធារណការដើម្បីឱ្យមន្ត្រីពាក់ព័ន្ធរបស់ក្រសួងចុះទៅកែលំអរផ្លូវដែលខូចនោះ ។ កម្មវិធីនេះត្រូវបានដាក់ឱ្យប្រើប្រាស់នៅក្នុងឆ្នាំ ២០១៩ នេះដោយមានប្រជាពលរដ្ឋជាច្រើនបានទាញ យកមកប្រើប្រាស់ និង បានរាយការណ៍ពីស្ថានភាពផ្លូវដែលខូច ៕