រដ្ឋបាលស្រុកពញាក្រែក មានកិត្តិយសសូមជម្រាបជូនដំណឹងដល់បងប្អូនប្រជាពលរដ្ឋក្នុងស្រុកពញាក្រែកទាំងអស់ មេត្តាជ្រាបថា ៖ ចាប់ពីថ្ងៃផ្សាយដំណឹងនេះតទៅ រដ្ឋបាលស្រុកនឹងដាក់ឱ្យដំណើរការសេវាចុះបញ្ជីទោចក្រយានយន្ដ (ម៉ូតូ) គ្រប់ប្រភេទជូនបងប្អូនប្រជាពលរដ្ឋ តាមរយៈយន្ដការច្រកចេញចូលតែមួយនៃរដ្ឋបាលស្រុកពញាក្រែក ។ អាស្រ័យហេតុនេះ សូមបងប្អូនទាំងអស់ដែលមានបំណងចុះបញ្ជីទោចក្រយានយន្ដ (ម៉ូតូ) ដើម្បីទទួលបានផ្លាកលេខយកទៅប្រើប្រាស់ សូមអញ្ជើញមកទំនាក់ទំនងនៅសាលាស្រុកពញាក្រែក ដែលមានអាសយដ្ឋានស្ថិតនៅភូមិពោធិស្រុក ឃុំកោងកាង ស្រុកពញាក្រែក ខេត្តត្បូងឃ្មុំ នៅរៀងរាល់ថ្ងៃ និងម៉ោងធ្វើការ ។ សូមអរគុណ !