រថយន្ដដឹកលើសទម្ងន់ ០៤ គ្រឿង ត្រូវបានពិន័យជាប្រាក់ និងឃាត់ទុក ០១ឆ្នាំ នៅស្ថានីយថ្នល់ទទឹង ខេត្តត្បូងឃ្មុំ ត្បូងឃ្មុំ ៖ នាថ្ងៃសៅរ៍ ទី២២ ខែកុម្ភៈ ឆ្នាំ២០២៥ ក្រោមការដឹកនាំ ពី ឯកឧត្តម សេង ឈួន រដ្ឋលេខាធិការ និងជាប្រធានគណៈកម្មាធិការសម្របសម្រួលអចិន្ត្រៃយ៍ នៃគណៈកម្មាធិការដឹកនាំការត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ និងជាប្រធានក្រុមចល័តពិសេសចម្រុះ ព្រមទាំង ឯកឧត្តមអនុប្រធានក្រុមការងារចល័តចម្រុះ លោកប្រធានលេខាធិការដ្ឋាន សមាជិកក្រុមការងារចល័តចម្រុះ និងកងកម្លាំងស្ថានីយថ្នល់ទទឹង បានចុះត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ នៅទីតាំងភូមិសាស្រ្ត ក្រុងសួង ខេត្តត្បូងឃ្មុំ ។ នៅក្នុងប្រតិបត្តិការខាងលើ ក្រុមការងារបានត្រួតពិនិត្យយានយន្ត ចំនួន ០៤ គ្រឿង ប្រភេទរថយន្តសណ្តោងសឺមីរ៉ឺម៉ក ភ្លៅ៦ ដឹកដំឡូង បានផ្ទុកទម្ងន់សរុបចាប់ពី ៦៩ តោន ដល់ ៧៧ តោន លើសទម្ងន់កម្រិតកំណត់ ចំនួន ២៤ តោន ដល់ ៣២ តោន គិតជាភាគរយគឺលើសចាប់ពី ៥៣% ដល់ ៧១%នៃច្បាប់អនុញ្ញាត ត្រូវបានពិន័យអន្តរការណ៍ជាទឹកប្រាក់ និងឃាត់ទុក ០១ ឆ្នាំ ដោយអនុលោមតាមច្បាប់ស្តីពីផ្លូវថ្នល់ មាត្រា៦០ និងសេចក្ដីជូនដំណឹង លេខ០៤៩ សជណ សក. គតលទ ស្តីពីការពង្រឹងវិធានការយ៉ាងតឹងរ៉ឹងបន្ថែមចំពោះយានយន្តដឹកជញ្ជូនធុនធ្ងន់ ដែលបើកបរលើបណ្តាញផ្លូវថ្នល់។ ក្រសួងសាធារណការ និងដឹកជញ្ជូន នៅតែបន្តចាត់វិធានការរឹតបន្តឹងការអនុវត្តច្បាប់យ៉ាងតឹងរ៉ឹងបំផុតដោយគ្មានការលើកលែងឡើយ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube