ស្ទឹងត្រែង៖ ក្រុមបច្ចេកទេសរបស់មន្ទីរសាធារណការនិងដឹក ជញ្ជូនខេត្តស្ទឹងត្រែង កំពុងពន្លឿនការជួសជុលផ្លូវគ្រួសក្រហមប្រវែងជាង១០គីឡូម៉ែត្រនិងស្ពានមួយ ចំនួន នៅក្នុងឃុំភ្លុក តភ្ជាប់ទៅតំបន់ទំនប់វារីអគ្គិសនីសេសានក្រោមពីរ ឱ្យហើយមុនរដូវវស្សាមកដល់ ដើម្បីប្រជាពលរដ្ឋធ្វើចរាចរណ៍ទៅមកបានងាយស្រួល ។ ក្នុងសកម្មភាពជួសជុលផ្លូវ និងស្ពាននៅក្នុងឃុំភ្លុក ស្រុកសេ សានខេត្តស្ទឹងត្រែង នៅថ្ងៃទី២៥ មេសា លោកសគឹមណាតប្រធាន មន្ទីរសាធារណការនិងដឹកជញ្ជូនខេត្តបានបញ្ជាក់ថា៖ ផ្លូវស្ពាននៅតំបន់នេះរងការខូចខាតដោយសារជំនន់ទឹកទន្លេសេសាន កន្លងមកបានបង្កភាពលំបាកដល់ការធ្វើចរាចរណ៍របស់ប្រជាពលរដ្ឋទៅមកនិងអាចបង្កគ្រោះថ្នាក់នៅខែវស្សា ទើបក្រុមការងារពន្លឿនការជួសជុលឡើងវិញ។ លោកសុវណ្ណពិសេដ្ឋ អភិបាល ស្រុកសេសានបានគាំទ្រចំពោះដំណោះស្រាយនេះព្រោះផ្លូវនិងស្ពាននេះជាបណ្តាញតភ្ជាប់ ពីភូមិឃុំភ្លុកទៅទំនប់វ៉ារីអគ្គិសនីសេសានក្រោម២ សម្រាប់ប្រជាពលរដ្ឋចេញ ចូលទៅមកបានឆាប់រហ័ស ជាពិសេសបានភ្ញៀវទេសចរទៅទស្សនាទំបន់វារីអគ្គិសនីសេសានក្រោក២ផង ។ លោកបន្តថា៖ប្រជាពលរដ្ឋជាង២៥០០គ្រួសារនៅតំបន់តាមជួរមាត់ទន្លេសេសាននិងប្រើប្រាស់ផ្លូវថ្មីនេះសម្រាប់ដោះស្រាយសេដ្ឋកិច្ចប្រចាំគ្រួសារព្រោះជិតជាងការធ្វើដំណើរតាមផ្លូវលេខ៧៨។ សំឡេង៖ "ផ្លូវមួយខ្សែនេះកាត់ បន្ថយការចំណាយរបស់ប្រជា ពលរដ្ឋក្នុងការធ្វើដំណើរវាងទៅតាមផ្លូវជាតិលេខ៧៨ព្រោះនេះជាផ្លូវលេខ៣៧៦Fអញ្ចឹងការធ្វើដំណើរតាមផ្លូវនេះគឺចំណេញ២០ទៅ ៣០គីឡូ"។ លោកឃី ចាន់ តំណាងឱ្យប្រជាពលរដ្ឋនៅឃុំភ្លុកបានទទួល ស្គាល់ថា៖ចំណុចនេះបានធ្វើឱ្យបងប្អូនប្រជាពលរដ្ឋយើង មើល ឃើញពីការអភិវឌ្ឍន៍ហេដ្ឋារចនា សម្ព័ន្ធក្រោមការដឹកនាំរបស់រាជរដ្ឋាភិបាល ដែលជាផ្នែកមួយដោះស្រាយបានបញ្ហាលំបាក ហើយអ្វីដែលពុំធ្លាប់មាន បានវិលត្រឡប់មករកភាពរីកចម្រើនឡើង។សំឡេង៖ "ពីមុនមកអត់ធ្លាប់មានទេទើបសម័យសម្តេចតេជោគឺមានផ្លូវមានស្ពានពីមុនផ្លូវនេះលំបាកណាស់ក្រោយពីការជួស ជុលហើយនេះប្រជាជនសប្បាយ ចិត្ត ធ្វើដំណើទិមកស្រួលហើយស្អាតល្អទៀត"។ លោកស្រីចន្ថា បានសាទរជាមួយសមិទ្ធផលនេះ ព្រោះនៅ ពេលមានផ្លូវល្អធ្វើដំណើរបានឆាប់រហ័សហើយបានជំរុញឱ្យមានកំណើនផ្នែកសេដ្ឋកិច្ច សម្រាប់ប្រជាជនយើងនៅតំបន់នេះ ព្រោះនៅពេលកសិករផលិតបានផលកសិកម្ម និងមានទីផ្សារល្អ ព្រោះអ្នកប្រមូលទិញមកដល់មូលដ្ឋានផ្ទាល់តែម្តង ។ សូមបញ្ជាក់ថា៖ផ្លូវស្ពានថ្មីទាំងនេះជាអំណោយរបស់រាជរដ្ឋាភិបាលស្ថាបនាឡើងកាលពីឆ្នាំ២០១៨ដើម្បីប្រជាពលរដ្ឋនៅឃុំស្រែគរ -ឃុំតាឡាត- និងឃុំក្បាល រមាស ចេញចូលមកកាន់ទីរួមខេត្តស្ទឹងត្រែង បានជិតជាងទៅតាមផ្លូវជាតិលេខ៧៨ដែលត្រូវវាងឆ្ងាយ ទើបអាជ្ញាធរខេត្ត ស្រុក បានចំណាយថវិកាជាង៥០០លានរៀល ធ្វើការជួសជុលឡើងវិញ និងត្រៀមចាក់កៅស៊ូនៅឆ្នាំ២០២៤ ៕