ក្រសួងសាធារណការ៖ តើអ្នកបើកបរទោចក្រយានយន្ត និងត្រីចក្រយានយន្ត ត្រូវមានបណ្ណបើកបរប្រភេទអ្វី? នៅថ្ងៃទី ៥ មេសា ២០២៣នេះ ក្រសួងសាធារណការ នងដឹកជញ្ជូនបានលើកយកមកបង្ហាញ អ្នកបើកបរត្រូវមាន បណ្ណបើកបរប្រភេទ “ក” សម្រាប់៖ - ទោចក្រយានយន្តសណ្ដោងរ៉ឺម៉ក និង ត្រីចក្រយានយន្ត - យានយន្តដែលមានទំហំស៊ីឡាំងលើសពី១២៥សង់ទីម៉ែត្រគូបឡើងទៅ ឬមានថាមពលអគ្គិសនីលើសពី១១គីឡូវ៉ាត់។ ចំពោះយានយន្ត ដែលមានទំហំស៊ីឡាំងចាប់ពី១២៥សង់ទីម៉ែត្រគូបចុះក្រោម ឬមានថាមពលអគ្គិសនីចាប់ពី១១គីឡូវ៉ាត់ចុះក្រោម អ្នកបើកបរមិនត្រូវឱ្យមានបណ្ណបើកបរឡើយ ប៉ុន្តែត្រូវមានអាយុយ៉ាងតិច១៥ឆ្នាំឡើងទៅ ដោយមានអត្តសញ្ញាណបណ្ណសញ្ជាតិខ្មែរ ឬឯកសារបញ្ជាក់អត្តសញ្ញាណណាមួយ។ សូមទាញយក និងតម្លើងកម្មវិធី Cambodia Driving Rules ដោយអត់គិតថ្លៃ (FREE Download) ដើម្បីទទួលបានចំណេះដឹងល្អៗ ពីទ្រឹស្តីនៃការបើកបរ នៃច្បាប់ចរាចរណ៍ផ្លូវគោក ៖ - App Store (iOS): http://dr.mpwt.gov.kh/ios - Play Store (Android): http://dr.mpwt.gov.kh/android