កំណាត់​ផ្លូវ​ជាតិ​លេខ៥​ ​ប្រវែង​ ១៣៥.​២៤គី​ឡូម៉ែត្រ​ ចាប់​ពី​ព្រែក​ក្តាម​ ខេត្ត​កណ្តាល ​ដល់​ធ្លា​ម្អម ​ខេត្ត​ពោធិ៍​សាត់​ ក្រោម​ហិរញ្ញប្បទាន​សម្បទាន​ពី​រដ្ឋាភិបាល​ជប៉ុន​នោះ បានបើកការដ្ឋានសាងសង់ហើយ នាព្រឹកថ្ងៃទី ២១ ខែឧសភា ឆ្នាំ ២០១៨នេះ ក្រោមអធិបតីភាពដ៏ខ្ពង់ខ្ពស់របស់សម្តេចអគ្គមហាសេនាបតីតេជោហ៊ុន សែន និង ឯកឧត្តម Hidehisa HORINOUCHI ឯកអគ្គរដ្ឋទូតជប៉ុន ប្រចាំនៅព្រះរាជាណាចក្រកម្ពុជា ។ កំណាត់​ផ្លូវ​ជាតិ​លេខ៥​ ​ប្រវែង​ ១៣៥.​២៤គី​ឡូម៉ែត្រ​ ចាប់​ពី​ព្រែក​ក្តាម​ ខេត្ត​កណ្តាល ​ដល់​ធ្លា​ម្អម ​ខេត្ត​ពោធិ៍​សាត់​ ក្រោម​ហិរញ្ញប្បទាន​សម្បទាន​ពី​រដ្ឋាភិបាល​ជប៉ុន​នោះ បានបើកការដ្ឋានសាងសង់ហើយ នាព្រឹកថ្ងៃទី ២១ ខែឧសភា ឆ្នាំ ២០១៨នេះ ក្រោមអធិបតីភាពដ៏ខ្ពង់ខ្ពស់របស់សម្តេចអគ្គមហាសេនាបតីតេជោហ៊ុន សែន និង ឯកឧត្តម Hidehisa HORINOUCHI ឯកអគ្គរដ្ឋទូតជប៉ុន ប្រចាំនៅព្រះរាជាណាចក្រកម្ពុជា ។ សម្រាប់ទទឹងតួផ្លូវនៅតំបន់ទីប្រជុំជន ត្រូវពង្រីករហូតដល់ ២៨ម៉ែត្រ ដោយក្រាលបេតុងកៅស៊ូ AC ទទឹង ១៩ម៉ែត្រ លើទទឹងតួផ្លូវសរុប ២៨ម៉ែត្រ ដោយក្នុងនោះ រួមមាន គន្លងផ្លូវធ្វើចរាចរណ៍សម្រាប់រថយន្ដ និង ម៉ូតូ មានទទឹងប្រវែង ១៤ម៉ែត្រ ចែកជា ៤គន្លង (២គន្លងទៅ ២គន្លងមក) ដោយមានខឿនសួនចែកទិសដៅ ចរាចរណ៍នៅចំកណ្តាលទ្រូងផ្លូវទទឹង ៣ម៉ែត្រ ចិញ្ចើមផ្លូវសងខាងក្រាលបេតុងកៅស៊ូ AC ទទឹង ២,៥០ម៉ែត្រ និង ផ្លូវសម្រាប់អ្នកថ្មើរជើងសងខាងក្រាលការ៉ូឡា ទទឹង ៣ម៉ែត្រ។ គម្រោងផ្លូវនេះ ក៏មានសាងសង់ផ្លូវវាងក្រុងចំនួន ២ខ្សែផងដែរ រួមមាន៖ទី ១.) ផ្លូវវាងឧដ្តុង្គ (ចាប់ពីគីឡូម៉ែត្រលេខ ៣៥+០៨០ ដល់គីឡូម៉ែត្រលេខ ៤០+២៨៥ ប្រវែង ៥,២០គីឡូម៉ែត្រ) និង ទី២.) ផ្លូវវាងក្រុងកំពង់ឆ្នាំង (ចាប់ពីគីឡូម៉ែត្រលេខ ៨១+៨៣០ ដល់គីឡូម៉ែត្រ លេខ ៩៣+៩០៤ ប្រវែង ១២,០៧គីឡូម៉ែត្រ) ដែលមានទទឹងតួផ្លូវសរុប ២៣ម៉ែត្រ ដោយក្រាលបេតុងកៅស៊ូ AC ទទឹង ២០ម៉ែត្រ លើទទឹងតួផ្លូវសរុប ២៣ម៉ែត្រ ដោយក្នុងនោះរួមមាន គន្លងផ្លូវធ្វើចរាចរណ៍សម្រាប់រថយន្ដ និង ម៉ូតូ មានទទឹង ១៤ម៉ែត្រ ចែកជា ៤គន្លង (២គន្លងទៅ ២គន្លងមក) ដោយមានខឿនសួនចែកទិសដៅចរាចរណ៍នៅចំកណ្តាលទ្រូងផ្លូវ ទទឹង ៣ម៉ែត្រ បំពាក់ដោយរនាំងដែកសុវត្ថិភាពចំកណ្តាលសួន និងចិញ្ចើមផ្លូវសងខាងក្រាលបេតុងកៅស៊ូ AC ទទឹង ៣ម៉ែត្រ រួមទាំងបរិក្ខារសុវត្ថិភាពចាំបាច់ផ្សេងៗទៀត ។ ឯក​ឧត្តម​ទេស​រដ្ឋ​មន្ត្រី​ ស៊ុ​ន ចាន់ថុ​ល រដ្ឋ​មន្ត្រីក្រ​សួងសាធារ​ណការ​ និ​ង ដឹក​ជញ្ជូន​បានមានប្រសាសន៍​ថា​ គម្រោង​សាង​សង់​កំណាត់​ផ្លូវ​ជាតិ​លេខ៥​ នេះ ឆ្លង​កាត់​ខេត្ត​ចំនួន​ ៣​ រួមមាន៖ ខេត្ត​កណ្តាលមាន ​ប្រវែ​ង ៤.២៥​គីឡូម៉ែត្រ ​ខេត្តកំ​ពង់​ឆ្នាំង ប្រវែង​ ៩៣.៥៤​គីឡូម៉ែត្រ ​និង ​ខេត្តពោធិ៍​សាត់​ មានប្រវែង​ ៣៧.៤៥​គីឡូ​ម៉ែត្រ​ ។ កំណាត់​ផ្លូវ​នេះ​ មានទទឹង​តួ​ផ្លូវ​នៅតំ​បន់​ជន​បទ ត្រូ​វព​ង្រីករហូត​ដល់ ​២៣ម៉ែត្រ ​ដោយ​ក្រាល​បេតុង​កៅ​ស៊ូ​ AC​ ទទឹង ​២០​ម៉ែត្រ​ លើ​ទទឹង​តួផ្លូវ​សរុ​ប ២​៣ម៉ែ​ត្រ ដោយ​ក្នុង​នោះ ​រួមមាន៖​ គន្លង​ផ្លូវ​ធ្វើចរាចរ​ណ៍សម្រាប់​រថយន្ដ ​និង​ ម៉ូតូ​ មាន​ទទឹង​ ១៤​ម៉ែត្រ​ ចែក​ជា ​៤គន្លង​ (២​គន្លង​ទៅ​ ២គន្លង​មក​) ដោយ​មាន​ខឿន​សួន​ចែក​ទិស​ដៅចរាចរណ៍​នៅ​ចំកណ្តាល​ទ្រូង​ផ្លូវ​ ទទឹង​ប្រវែង ៣​ម៉ែត្រ​ បំពាក់​ដោយ​រនាំង​ដែក​សុវត្ថិភាព​ចំ​កណ្តាល​សួន​ និង ​ចិញ្ចើមផ្លូវសង​ខាង​ក្រាល​បេតុ​ងកៅ​ស៊ូ ​AC​ ទទឹងប្រវែង​ ៣​ម៉ែត្រ​ រួមទាំង​បរិក្ខារសុវត្ថិភា​ពចាំបាច់​ផ្សេង​ៗទៀត​។ តាមគម្រោងនៃការសាងសង់កំណាត់ផ្លូវជាតិលេខ៥នេះ ត្រូវចំណាយថវិកាសរុបប្រមាណជា ២៦១លានដុល្លារអាមេរិក ជាហិរញ្ញប្បទានសម្បទានពីរដ្ឋាភិបាលជប៉ុន រួមជាមួយថវិកាបដិភាគរបស់រាជរដ្ឋាភិបាលកម្ពុជា សម្រាប់ការដោះស្រាយផលប៉ះពាល់ ការបោសសម្អាតមីន យុទ្ធភ័ណ្ឌមិនទាន់ផ្ទុះ និង ពន្ធអាករ ។ ការស្ថាបនាផ្លូវនេះ ត្រូវប្រើរយៈពេលសាងសង់ចំនួន៤៨ខែគឺ គិតចាប់ពីខែមេសា ឆ្នាំ២០១៨ រហូតដល់ខែមីនា ឆ្នាំ២០២២ ៕