(ភ្នំពេញ)៖ ស្ពានអាកាស ឫស្សីកែវផ្លូវជាតិលេខ៥ បានស្ថាបនាស្ទើរតែរួចរាល់ហើយ ។ ដែលត្រូវបានសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា អនុញ្ញតឲ្យប្រើប្រាស់ជាបណ្តោះអាសន្ន នាថ្ងៃទី០១ ខែមីនា ឆ្នាំ២០២៣នេះ។ នេះជាសមិទ្ធផលថ្មីមួយទៀត ក្រោមម្លប់សុខសន្តិភាព។ នៅព្រឹកថ្ងៃទី០១ ខែមីនា ឆ្នាំ២០២៣ ចរាចរណ៍នៅលើកំណាត់ផ្លូវជាតិលេខ៥ មានភាពល្អប្រសើរ ដោយប្រជាពលរដ្ឋធ្វើដំណើរទៅមកដោយរលូនមិនស្ទះចរាចរណ៍។ សូមរំលឹកថាៈ ស្ពានអាកាសនេះ បានបើកការដ្ឋានស្ថាបនាកាលពីថ្ងៃទី៣១ ខែមករា ឆ្នាំ២០២២ មានបណ្ដោយ៤៨៣ម៉ែត្រ ទទឹង១៥.៨ម៉ែត្រ កម្ពស់៥ម៉ែត្រ ដោយហោះនៅលើបណ្ដោយផ្លូវជាតិលេខ៥ នៅចន្លោះស្ពានបេតុងឆ្លងកាត់ទន្លេសាបថ្មី ដែលបាននិងកំពុងសាងសង់បានជិតរួចរាល់។ សូមជម្រាបថាៈ ស្ពានអាកាសថ្មីនេះ គងពីលើបណ្ដោយផ្លូវជាតិលេខ៥ ដែលបានចំណាយ រយៈពេលសាងសង់១៥ខែ៕