ការស្ថាបនាប្រព័ន្ធលូថ្មី និងអ៊ុតកៅស៊ូថ្មី ផ្លូវទន្លេសាប រួមទាំងរៀបការ៉ូឡាថ្មីទទឹង៣ម៉ែត ជាផ្លូវយុទ្ធសាស្ត្រក្នុងការបញ្ជៀសចរាចរណ៍ ស្ថិតនៅក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ សម្រេចបាន១០០% របស់ រដ្ឋបាលរាជធានីភ្នំពេញ ។ ការស្ថាបនាប្រព័ន្ធលូថ្មី ផ្លូវទន្លេសាប និងការ៉ូឡាថ្មីជាផ្លូវយុទ្ធសាស្ត្រក្នុងការបញ្ជៀសចរាចរណ៍ ស្ថិតនៅក្នុងសង្កាត់ជ្រោយចង្វារ ខណ្ឌជ្រោយចង្វារ ដែលធ្វើការដាក់លូ៨ទឹកសងខាងថ្មីប្រវែងបណ្តាយជាង ៨០០ម៉ែតបញ្ចប់ ១០០% និងការអ៊ុតកៅស៊ូ ACថ្មី ប្រវែង ៦១០ម៉ែត ទទឹង១២.៤០ម៉ែតបញ្ចប់១០០% រួមទាំងគំនូសសញ្ញា ស្ថិតក្នុង សង្កាត់ជ្រោយចង្វារ ខណ្ឌជ្រោយចង្វារ បន្ថែមដោយការ៉ូឡាថ្មី ចាប់ពីរង្វង់មូលព្រហ្មមុខបួនដល់ អូតែលសុខា ប្រវែងជាង ១០០០ម៉ែតទទឹង៣ម៉ែតសម្រេចបាន ១០០% ហើយដែលជាផ្លូវយុទ្ធសាស្ត្រក្នុងការបញ្ជៀសចរាចរ ក្នុងពេលកិច្ចប្រជុំកំពូលអាស៊ានដែលកម្ពុជាធ្វើជាម្ចាស់ផ្ទះ ព្រមទាំងលើកកំម្ពស់សោភ័ន្ធភាព រាជធានីភ្នំពេញ នាមាត់ទន្លេសាបនេះ ។ថ្ងៃទី ០៣ ខែវិច្ឆិកា ឆ្នាំ២០២២នេះ រដ្ឋបាលរាជធានីភ្នំពេញ មន្ត្រីជំនាញមន្ទីរសាធារណការ និងដឹកជញ្ជូនរាជធានីភ្នំពេញ បានបញ្ជាក់ថា ការដាក់លូសងខាងថ្មីប្រវែងបណ្តាយជាង ៨០០ម៉ែត និងត្រូវអ៊ុតកៅស៊ូ AC ថ្មី និងរៀបការ៉ូឡាថ្មីទទឹង៣ម៉ែត ស្ថិតក្នុង សង្កាត់ជ្រោយចង្វារ ខណ្ឌជ្រោយចង្វារ ចាប់ពី ររង្វង់មូលព្រហ្មមុខបួនដល់ អូតែលសុខា ជាផ្លូវយុទ្ធសាស្ត្រក្នុងការបញ្ជៀសចរាចរណ៍ ព្រមទាំងលើកកំម្ពស់សោភ័ន្ធភាព រាជធានីភ្នំពេញ សម្រេចបាន១០០% នៃគម្រោងទាំងមូលហើយ ។ មន្ត្រីជំនាញមន្ទីរសាធារណការនិងដឹកជញ្ជូនរាជធានីភ្នំពេញ សំណូមពរដល់ប្រជាពលរដ្ឋ និងអ្នកធ្វើដំណើរនៅលើដងផ្លូវទន្លេសាបនេះ សូមមេត្តាយោគយល់ គោរពច្បាប់ចរាចរណ៍ និងចូលរួមថែរក្សាអនាម័យបរិស្ថានតាមមហាវិថីនានា និងជាពិសេសចូលរួមទុកដាក់សំរាមអោយបានត្រឹមត្រូវ តាមបណ្តាយផ្លូវទន្លេសាបនេះ ដើម្បីសោភ័ន្តភាពភ្ញៀវទេសចរមកកម្សាន្ត តំបន់សួនច្បារទល់មុខព្រះបរមរាជរាំង តំបន់អូតែលសុខា នៃរាជធានីភ្នំពេញយើង ម្យ៉ាងវិញទៀត ដើម្បីអោយបងប្អូនធ្វើដំណើបានស្រួល និងមានសុវត្តិភាពខ្ពស់ ។