ថ្ងៃទី២ ខែវិច្ឆិកា ឆ្នាំ២០២២នេះ ជំនាញមន្ទីរសាធារណការ និងដឹកជញ្ជូនរាជធានីភ្នំពេញ បានបញ្ជាក់ថា ៖ ការងារអ៊ុតកៅស៊ូ AC ចាប់ពី តំបន់នាគបាញ់ទឹក កំណាត់មហាវិថីសម្តេចសុធារស ដល់ តីរៈវិថីព្រះស៊ីសុវត្ថិ និងកំណាត់វិថីឧកញ៉ា ឈុន ចាប់ពី តីរៈវិថី ព្រះសុីសុវត្ថិ ដល់មហាវិថីព្រះនរោត្តម ដែលមានប្រវែងជាង២០០០ម៉ែត សម្រេចបាន១០០%ហើយ រួមទាំងគំនូសសញ្ញាផងដែរ ។មន្ទីរសាធារណការនិងដឹកជញ្ជូនរាជធានីភ្នំពេញ សូមសំណូមពរដល់ប្រជាពលរដ្ឋ និងអ្នកធ្វើដំណើរនៅលើតីរវិថី ព្រះស៊ីសុវត្ថិ នេះសូមមេត្តាចូលរួមថែរក្សាអនាម័យបរិស្ថានតាមផ្លូវ និងទុកដាក់សំរាមអោយបានត្រឹមត្រូវ តាមបណ្តាយផ្លូវនេះ ដើម្បីសោភ័ន្តភាពភ្ញៀវទេសចរមកកម្សាន្តតាមមាត់ទន្លេ នៃរាជធានីភ្នំពេញយើង និងដើម្បីអោយបងប្អូនធ្វើដំណើបានស្រួល និងមានសុវត្តិភាពពេលធ្វើចរាចរណ៍ ។