គម្រោងដាក់លូសងខាងថ្មី និងផ្លូវបេតុងរបស់ សាលារាជធានីភ្នំពេញ មន្ទីរសាធារណការ និងដឹកជញ្ជូនរាជធានីភ្នំពេញ អនុវត្តន៍ដោយ សហគ្រាស រាជសីហ៍ នៅលើកំណាត់ផ្លូវ អង្គតាមិញ សម្រេចបាន៩០%នៃគម្រោងទាំងមូលហើយ ។ ការងារនេះគឺ ចាប់ពីមុខវត្តអង្គតាមិញ មកទល់ផ្លូវបេតុងចាស់ ស្ថិតក្នុងសង្កាត់ចោមចៅទី១ ខណ្ឌពោធិសែនជ័យ មានប្រវែង ១៧២៧ម៉ែត្រ ពង្រីកផ្លូវបេតុង ០៩ម៉ែតថ្មី ដាក់លូមូលទំហំ០.៨ម៉ែត សងខាង ប្រវែងសរុប ៣,៤៥៤ម៉ែត សម្រេចបាន១០០%នៃគម្រោង និងធ្វើការចាក់បេតុងថ្មីឆ្អឹងដែក ១២លី និង២៥លី កម្រាស់២ទឹក ជាផ្លូវបេតុងយុទ្ធសាស្ត្រក្នុងការបញ្ជៀសចរាចរ ពីផ្លូវចោមចៅ និងផ្លូវ២០០៤ ស្ថិតនៅក្នុងសង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ។ថ្ងៃទី ២៩ខែតុលា ឆ្នាំ២០២២នេះ ជំនាញមន្ទីរសាធារណការ និងដឹកជញ្ជូនរាជធានីភ្នំពេញ មន្រ្តីសហគ្រាសរាជសីហ៍ បានបញ្ជាក់ថា ការងារចាក់បេតុងអាមេ និងប្រព័ន្ធលូសងខាង កំណាត់អង្គតាមិញ ដែលមានកម្រាស់បេតុង ២០សង់ទីម៉ែត ឆ្អឹងដែក១២លី ដែលរហូតមកពេលនេះសម្រេចបាន៩០%ទាំងមូលនៃគម្រោងហើយ។ មន្ទីរសាធារណការនិងដឹកជញ្ជូនរាជធានីភ្នំពេញ រួមទាំង សហគ្រាសរាជសីហ៍ សំណូមពរដល់ប្រជាពលរដ្ឋ និងអ្នកធ្វើដំណើរនៅលើដងផ្លូវនេះបន្តមេត្តាយោគយល់ ដល់ក្រុមការងារ សម្រាប់ការបិទផ្លូវជាផ្នែកៗ ដែលបណ្តាលអោយមានការស្ទះចរាចរ។ ក្រុមការងារនឹងព្យាយាមបញ្ចប់ អោយបានលឿន ដើម្បីអោយបងប្អូនធ្វើដំណើបានស្រួល និងសុវត្តិភាពខ្ពស់ ៕