គណៈកម្មការអន្ដរក្រសួងនេះ ដឹកនាំដោយលោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួង​សាធារណការ និងដឹកជញ្ជូន ជាប្រធាន រួមជាមួយនឹងអនុប្រធាន និងសមាជិក១៨រូប​ផ្សេងទៀត។ក្នុងសេចក្តីសម្រេចគណៈកម្មការនេះ មានភារកិច្ចដូចតទៅ ពិនិត្យ ផ្តល់យោបល់អំពីនីតិវិធី ក្របខណ្ឌគតិយុត្ត និង​រូប​ភាព​នៃការវិនិយោគលើគម្រោងហេដ្ឋរចនាសម្ព័ន្ធ​​ផ្លូវល្បឿន​​លឿន​​តភ្ជាប់ពីរាជធានីភ្នំពេញ ទៅក្រុងបាវិត ជំរុ​ញ​​គ​ម្រោ​ង​​ហេដ្ឋា​​រចនាសម្ព័ន្ធផ្លូវល្បឿ​នលឿន​ ​ឱ្យ​បានសម្រេចជាស្ថាពរ ដើម្បីរួមចំណែកពន្លឿនការអភិវឌ្ឍច្រក​របៀង​​រាជធានី​ភ្នំពេ​ញ​​-ក្រុង​​បាវិត និងធ្វើរបាយការណ៍ស្តីពីលទ្ធផលការងារជូនប្រមុខរាជរដ្ឋាភិបាល តាមរយៈ​ទីស្ដីការ​គណៈរដ្ឋមន្ត្រី។ គណៈកម្មការនេះអាចបង្កើតអនុគណៈកម្មការមួយចំនួនតាមការចាំបាច់។ ជាមួយគ្នានេះ អនុប្រធាន និងសមាជិក​​នៃគណៈ​កម្មការនេះ ត្រូវចូលរួមប្រជុំតាមការអញ្ជើញរបស់ប្រធាន។ ប្រធានគណៈកម្មការនេះ មានសិទ្ធិអញ្ជើញ​តំណាង​ពីក្រសួង ស្ថាប័ននានាឱ្យចូលរួម ដើម្បី​ពិនិត្យ និងផ្តល់យោបល់ក្នុងករណីចាំបាច់។ គណៈកម្មការនេះ មានសិទ្ធិប្រើប្រាស់ត្រារបស់​ក្រសួងសាធារណការ និងដឹកជញ្ជូន៕