ជំនួបពិភាក្សាទ្វេភាគីអំពីកិច្ចសហប្រតិបត្តិការលើផ្នែកបច្ចេកទេសពាក់ព័ន្ធនឹងវិស័យទឹកកខ្វក់ រវាងគណៈប្រតិភូក្រសួងដែនដី ហេដ្ឋារចនាសម្ព័ន្ធដឹកជញ្ជូន និងទេសចរណ៍ជប៉ុន (MLIT) ដឹកនាំដោយលោក Mitsuo Iwabuchi និងឯកឧត្តម កឹម បូរី អនុរដ្ឋលេខាធិការក្រសួងសាធារណការ និងដឹកជញ្ជូន ថ្ងៃចន្ទ ១៣កើត ខែអាសាឍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១១ ខែកក្កដា ឆ្នាំ២០២២ នៅទីស្តីការក្រសួង ឯកឧត្តម កឹម បូរី អនុរដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញជួបពិភាក្សាការងារជាមួយគណៈប្រតិភូក្រសួងដែនដី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍ជប៉ុន (MLIT) ដឹកនាំដោយលោក Mitsuo Iwabuchi ប្រធាននាយកដ្ឋាន នៃក្រសួងដែនដី ហេដ្ឋារច្ចនាសម្ព័ន្ធ និងទេសចរណ៍របស់ប្រទេសជប៉ុន អមដំណើរដោយលោក Hirakazu Iwasaki អគ្គនាយកទីភ្នាក់ងារទឹកកខ្វក់នៃប្រទេសជប៉ុន (Japan Sewerage Agency) លោកTatsuya Tabe អគ្គនាយកចាត់ការទូទៅក្រុមហ៊ុនពិគ្រោះយោយល់ Nihon Suido (Nihon Suido Consultants ដោយមានការចូលរួមពីថ្នាក់ដឹកនាំក្រសួង ថ្នាក់ដឹកនាំអគ្គនាយកដ្ឋានប្រព័ន្ធចម្រោះទឹកកខ្វក់ មន្ត្រីបច្ចេកទេស និងភាគីពាក់ព័ន្ធ។ ជំនួបពិភាក្សាការងារនេះធ្វើឡើងក្នុងគោលបំណង៖ (១) បន្តកិច្ចសហប្រតិបត្តិការលើផ្នែកបច្ចេកទេសពាក់ព័ន្ធនឹងវិស័យទឹកកខ្វក់ រវាងក្រសួងសាធារណការ និងដឹកជញ្ជូន និងក្រសួងដែនដី ហេដ្ឋារចនាសម្ព័ន្ធដឹកជញ្ជូន និងទេសចរណ៍ជប៉ុន (MLIT) (២) ពិភាក្សាពីគម្រោងការងារសិក្សាបុរេសមិទ្ធិលទ្ធភាព (Pre-Feasibility Study) គម្រោងអភិវឌ្ឍន៍បណ្តាញលូ និងស្ថានីយប្រព្រឹត្តកម្មទឹកកខ្វក់នៅផ្នែកខាងកើតនៃស្ទឹងសៀមរាប ខេត្តសៀមរាប និងក្រុងស្វាយរៀង ខេត្តស្វាយរៀង៕