កោះកុង ៖ ស្ពានមានកម្ពស់៩០ម៉ែត្រ បណ្តោយ៥៣០ម៉ែត្រ និងទទឹង១០ម៉ែត្រ ទីតាំងនេះនឹងមានរៀបចំកន្លែងកម្សាន្ត និងសម្រាប់ថតរូប ព្រោះជាស្ពានខ្ពស់ជាងគេបំផុតនៅកម្ពុជា និងមានព្រៃភ្នំ ពិសេសជ្រោះទឹកធ្លាក់នៅក្រោមស្ពាន។ វាក៏ជាស្ពានតភ្ជាប់ព្រំប្រទល់រវាងខេត្តកោះកុង និងខេត្តពោធិ៍សាត់ តាមរយៈផ្លូវជាតិលេខ១០ ដែលមានប្រវែង ១៩៨,៥១៨ គីឡូម៉ែត្រតភ្ជាប់ពីសំឡូត- វាលវែង-អូរសោមដល់កោះកុង។ ស្ពានខ្ពស់នេះស្ថិតនៅត្រង់ចំណុចគីឡូម៉ែត្រលេខ ១២៨ (រាប់ពីសំឡូតមក)។ នៅសម័យសង្គ្រាមតំបន់វាលវែងនេះគឺជាសមរភូមិប្រយុទ្ធយ៉ាងក្តៅគគុក ប៉ុន្តែតាមរយៈ ការអនុវត្តនយោបាយឈ្នះឈ្នះរបស់សម្ដេចតេជោនាយករដ្ឋមន្ត្រី តំបន់នេះត្រូវបានធ្វើសមាហរណកម្ម ទាំងស្រុង និងបានប្រែក្លាយទៅជាដែនដីរដ្ឋបាលតែមួយនៃព្រះរាជាណាចក្រកម្ពុជា និងត្រូវបានអភិវឌ្ឍគ្រប់វិស័យជាបន្តបន្ទាប់ក្រោមម្លប់សន្តិភាព និងសេរីភាពពេញលេញ៕