ឯកឧត្តមអគ្គនាយក សួន ភារិទ្ធ ដឹកនាំកិច្ចប្រជុំផ្ទៃក្នុងរបស់អគ្គនាយកដ្ឋានប្រព័ន្ធចម្រោះទឹកកខ្វក់ ដើម្បីបន្តពង្រឹងប្រសិទ្ធភាពការងារឱ្យកាន់តែរលូនថែមទៀត ថ្ងៃចន្ទ ៨រោច ខែពិសាខ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៣ ខែឧសភា ឆ្នាំ២០២២ នៅទីស្ដីការក្រសួង ឯកឧត្តម សួន ភារិទ្ធ អគ្គនាយកនៃអគ្គនាយកដ្ឋានប្រព័ន្ធចម្រោះទឹកកខ្វក់ ក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំផ្ទៃក្នុងរបស់អគ្គនាយកដ្ឋានប្រព័ន្ធចម្រោះទឹកកខ្វក់ ដោយមានការចូលរួមពីលោកអគ្គនាយករង លោក លោកស្រីប្រធាន អនុប្រធាន នាយកដ្ឋាន លោក លោកស្រីប្រធាន អនុប្រធានការិយាល័យ ព្រមទាំងមន្ត្រីរាជការចំណុះឱ្យអគ្គនាយកដ្ឋានប្រព័ន្ធចម្រោះទឹកកខ្វក់ផងដែរ។ កិច្ចប្រជុំនេះធ្វើឡើងគោលបំណងដើម្បីសំណេះសំណាលជាមួយមន្ត្រីក្រោមឱវាទអគ្គនាយកដ្ឋានប្រព័ន្ធចម្រោះទឹកកខ្វក់ ព្រមទាំងពិភាក្សាអំពីនីតិវិធីនៃការបំពេញការងារ និងការរៀបចំបែងចែកតួនាទី និងភារកិច្ចតាមនាយកដ្ឋាននីមួយៗ ដើម្បីបន្តពង្រឹងប្រសិទ្ធភាពការងារឱ្យកាន់តែរលូនថែមទៀត៕