លោក លឹម ជាវហាវ ប្រធានមន្ទីរអភិវឌ្ឍន៍ជនបទខេត្តក្រចេះ បានឱ្យដឹងថា ផ្លូវក្រាលកៅស៊ូមួយខ្សែ ចេញពីចំណុចភូមិសំបូរ ឃុំសំបូរភ្ជាប់ទៅកាន់ភូមិជើងពាត ឃុំកោះខ្ញែរ ស្រុកសំបូរ ខេត្តក្រចេះ មានប្រវែង១០គីឡូម៉ែត្រ ផ្ទៃចរាចរ ណ៍៥ម៉ែត្រ ចិញ្ចើមផ្លូវម្ខាងៗកន្លះម៉ែត្រ មានស្ពានបេតុងចំនួន៣កន្លែង លូមូលចំនួន ១៩កន្លែង លូប្រអប់ចំនួន ៦កន្លែង ដាក់ស្លាកសញ្ញា និងបង្គោលចរាចរណ៍ត្រឹមត្រូវ ចំពោះគំនូសចរាចរ ណ៍បានគូសមុនចប់ធានានូវសុពលភាព។ លោកប្រធានមន្ទីរបញ្ជាក់ថា ផ្លូវនេះ កាលពីមុនជាផ្លូវដីក្រាលគ្រួសក្រហម ជាការផ្តួចផ្តើមសាង សង់ឡើងក្នុងឆ្នាំ២០០៤ ដោយឯកឧត្តម អ៊ឹម ឈុនលឹម ប្រធានក្រុមប្រឹក្សាធម្មនុញ្ញ ដែលកាលណោះ ឯកឧត្តមជាទេសរដ្ឋមន្ត្រីរដ្ឋមន្ត្រីក្រសួងរៀប ចំដែនដីនគរូបនីយកម្ម និងសំណង់ និងជាប្រធានក្រុមការងារចុះជួយខេត្តក្រចេះ និងចាប់សាងសង់ជាផ្លូវក្រាលកៅស៊ូដោយមន្ទីរអភិវឌ្ឍន៍ជនបទខេត្ត ក្នុងអំឡុងខែមេសា ឆ្នាំ២០២០ និងសម្រេចរួចរាល់ជាស្ថាពរក្នុងខែមករា ឆ្នាំ២០២២។ ឯកឧត្តម វ៉ា ថន អភិបាលនៃគណៈអភិបាលខេត្តក្រចេះបានមានប្រសាសន៍ថា សមិទ្ធផលជាផ្លូវក្រាលកៅស៊ូក្នុងមូលដ្ឋានជនបទមិនធ្លាប់មាន ដែលយើងកំពុងសម្ពោធដាក់ ឱ្យប្រើប្រាស់ជាផ្លូវការនៅពេលនេះ គឺជាសមិទ្ធផលផ្តើមចេញពីកត្តាសុខសន្តិភាព ព្រោះ ប្រសិនបើប្រទេសជាតិមានសង្គ្រាម យើងមិនអាចដឹកនាំកសាង និងអភិវឌ្ឍន៍ប្រទេស រីកចម្រើនដូចបច្ចុប្បន្ននេះបានទេ។ ឯកឧត្ដមអភិបាលខេត្តបញ្ជាក់ថា សន្តិភាពដែលយើងកំពុងមាននាពេលនេះ គឺបានមកដោយ សារការលះបង់អាយុជីវិតរបស់អ្នកស្នេហាជាតិ ពិសេសសម្ដេចអគ្គមហា សេនាបតីតេជោ ហ៊ុន សែន គឺជាស្ថាបនិកនៃសន្តិភាព ដូច្នេះសូមបងប្អូនប្រជាពលរដ្ឋត្រូវតែ ចូលរួមការពារសុខសន្តិភាពមួយនេះឱ្យនៅស្ថិតស្ថេរជានិច្ច ទោះក្នុងតម្លៃណាក៏ដោយ។ ឯកឧត្តមបញ្ជាក់ទៀតថា មានផ្លូវ មានស្ពាន មានក្តីសង្ឃឹម បងប្អូនមានស្នាមញញឹម ហើយរាជរដ្ឋាភិបាលកម្ពុជា តែងតែគិតគូរពីសុខទុក្ខរបស់បងប្អូនប្រជាពលរដ្ឋជានិច្ច ដោយមិនមើលរំលង នូវការលំបាកការរបស់បងប្អូនប្រជាពលរដ្ឋឡើយ។ នៅក្នុងឱកាសសម្ពោធផ្លូវនោះដែរ ឯកឧត្តម វ៉ា ថន បានណែនាំឱ្យអាជ្ញាធរមូលដ្ឋាន និងប្រជាពលរដ្ឋ ត្រូវរួមគ្នាជួយថែរក្សាសមិទ្ធផលទាំងឡាយ ពិសេសផ្លូវមួយខ្សែនេះ ដើម្បីប្រើ ប្រាស់ឱ្យបានយូរអង្វែង ដែលជាប្រយោជន៍ដល់កូនចៅជំនាន់យើងក្រោយ និងបានអំពាវ នាវឱ្យប្រជាពលរដ្ឋទាំងអស់ត្រូវទៅបោះឆ្នោតជ្រើសរើសក្រុមប្រឹក្សាឃុំ សង្កាត់ នាពេលខាង មុខឱ្យបានគ្រប់ៗគ្នា៕