លោក​ សំ​ លាងទ្រី​ ប្រធានមន្ទីរសាធារណការនិងដឹកជញ្ជូនខេត្តព្រះវិហារ​នៅថ្ងៃទី​ ០៤​ ខែកុម្ភ:​ ឆ្នាំ២០២២​ នេះបានធ្វើពិធីសំណេះសំណាលជាមួយលោកប្រធានមន្ទីរ​ អនុប្រធានមន្ទីរ​ និងមន្រ្តីរាជការជាស្រ្តី​ ដេីម្បីចូលរួមអបអរសាទរខួបលេីកទី១១១​ ទិវាអន្តរជាតិនារី​ ៨មីនា​ ឆ្នាំ២០២២ ក្រោមប្រធានបទ“សមភាពយេនឌ័រថ្ងៃនេះ​ ដេីម្បីចីរភាពនាពេលអនាគត“។ ក្នុងឱកាសនោះ បងប្អូននារី បានថ្លែងអំណរគុណយ៉ាងជ្រាលជ្រៅ​ ជូនចំពោះលោកសំ លាងទ្រី ប្រធានមន្ទីរ​ លោកអនុប្រធានទាំបី​ ដែលតែងតែបរិច្ចាគថវិកាផ្ទាល់ខ្លួន​ផ្តល់ជាអំណោយ​ ដល់មន្រ្តីរាជការជាស្រ្តី។ មិនត្រឹមតែប៉ុណ្ណោះ​ លោកតែងតែផ្តល់ឱកាស​ និងលេីកកម្ពស់​ ផ្តល់ដំបូន្មានល្អៗ​ ដល់មន្រ្តីរាជការគ្រប់រូប មិនថាក្នុងស្ថានភាពបែបណាក៏ដោយ។ ជាចុងក្រោយបងប្អូននារីក៏បាន សូមប្រសិទ្ធិពរ បវរសួស្តី មហាប្រសើរ ដល់លោកប្រធានមន្ទីរ​ អនុប្រធានមន្ទីរទាំងបី​ និងមន្រ្តីរាជនៃមន្ទីរសារធារណការទាំងអស់​ សូមមានសុខភាពល្អបរិបូរណ៍ អាយុយឺនយូរ កម្លាំងខ្លាំងក្លា ប្រាជ្ញាឈ្លាសវៃ ជោគជ័យ លើគ្រប់ភារកិច្ចការងារ​ និងប្រកបដោយ ពុទ្ធពរ បួនប្រការ គឺ អាយុ វណ្ណៈ សុខៈ ពលៈ និងសូមចៀសផុតពីជំងឺកូវីដ​១៩៕