ថ្ងៃសៅរ៍​ ១៥កើត ខែទុតិយាសាឍ ឆ្នាំឆ្លូវ ត្រីស័ក ព.ស.២៥៦៤៥​ ត្រូវនឹងថ្ងៃទី២៤​ ខែកក្កដា​ ឆ្នាំ២០២១ នៅទីស្តីការក្រសួងសាធារណការ និងដឹកជញ្ជូន នាយកដ្ឋាន​ព័ត៌មាន​វិទ្យា​ និងទំនាក់ទំនងសាធារណៈ​ បានសហការជាមួយ​នាយកដ្ឋាន​ដឹកជញ្ជូន​ផ្លូវគោក​ បេីកវគ្គបណ្តុះបណ្តាលស្តីពីសេវាសាធារណៈ​ លេីវិស័យដឹកជញ្ជូនផ្លូវគោក​ ដល់សមាជិកមណ្ឌលប្រឹក្សាយោបល់លេីសេវាសាធារណៈ​ នៃនាយកដ្ឋានព័ត៌មានវិទ្យា និងទំនាក់ទំនងសាធារណៈ​ ក្រោមការចូលរួមដ៏កិត្តិយសពីលោកស្រី​ ម៉ែន​ ច័ន្ទ​សុកុល​ ប្រធាននាយកដ្ឋានដឹកជញ្ជូន​ផ្លូវគោក​ លោក ទេស​ តារារ័ត្ន​ អនុប្រធាននាយកដ្ឋានព័ត៌មានវិទ្យា និងទំនាក់ទំនងសាធារណៈ និងជាប្រធានមណ្ឌលប្រឹក្សាយោបល់លេីសេវាសាធារណៈ​ គ្រូបង្គោល​ និង​សមាជិក​ សមាជិកា​នៃមណ្ឌលប្រឹក្សាយោបល់លេីសេវាសាធារណៈ​។ វគ្គបណ្តុះបណ្តាលនេះធ្វេីឡេីងក្នុងគោលបំណង ដេីម្បីឆ្លេីយតប​ និងប្រឹក្សាយោបល់ជូនប្រជាពលរដ្ឋពីបច្ចុប្បន្នភាពព័ត៌មានសេវាសាធារណៈ​ លេីវិស័យដឹកជញ្ជូនផ្លូវគោក​ រួមមាន៖​ សេវាចុះបញ្ជី​ និងផ្ទេរកម្មសិទ្ធយានយន្ត​ សេវាផ្តល់បណ្ណបេីកបរ​ សេវាត្រួតពិនិត្យលក្ខណៈបច្ចេកទេសយានជំនិះ​ និងសេវាអាជីវកម្មដឹកជញ្ជូនផ្លូវគោក​ ឱ្យកាន់តែមានភាពល្អប្រសេីរ៕