នាព្រឹកថ្ងៃសុក្រ ១៥រោច ខែបឋមសាឍ ឆ្នាំឆ្លូវ ត្រីស័ក ពស២៥៦៥ ត្រូវនឹងថ្ងៃទី០៩ ខែកក្កដា ឆ្នាំ២០២១ នាការិយាល័យផ្ទាល់ ឯកឧត្តម ហឿន សំនៀង នាយកវិទ្យាស្ថានតេជោសែន សាធារណការ និងដឹកជញ្ជូន បានអនុញ្ញាតិឲ្យក្រុមការងារស្ថានីយ៍ទូរទស្សន៍អាសុីអាគ្នេយ៍ ធ្វើបទសម្ភាសន៍ ស្តីអំពីវឌ្ឍនភាពការងារ និងលទ្ធផលសម្រេចបាន របស់វិទ្យាស្ថានតេជោសែន សាធារណការ និងដឹកជញ្ជូន ដែលបានកំពុងអនុវត្តចាប់ពីពេលដំណើរការ រហូតមកដល់សព្វថ្ងៃនេះ។ គួរបញ្ជាក់ផងដែរថា វិទ្យាស្ថានតេជោសែន សាធារណការ និងដឹកជញ្ជូន បានបើកសម្ពោធដាក់ឲ្យប្រើប្រាស់ជាផ្លូវការ កាលពីថ្ងៃទី២២ ខែមករា ឆ្នាំ២០២១ ក្រោមអធិបតីភាពដ៍ខ្ពង់ខ្ពស់ របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងគោលបំណងដើម្បីបណ្តុះបណ្តាល និងអភិវឌ្ឍធនធានមនុស្សឲ្យក្លាយទៅជាទំពាំងស្នងឫស្សីរបស់ប្រទេសជាតិ ដែលអាចមានចំណេះដឹងក្នុងការសង់ផ្លូវ សាងសង់ស្ពាន និងប្រព័ន្ធហេដ្ឋារចនាសម្ពន្ធ័ ក៍ដូចជាទីកន្លែងទទួលបណ្តុះថ្នាលអប់រំកូនខ្មែរ ជំនាន់ក្រោយផងដែរ។