នៅថ្ងៃចន្ទ ៤រោច ខែបឋមាសាឍ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី ២៨ ខែមិថុនា ឆ្នាំ២០២១ ឯកឧត្ដមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន កំពុងបន្តអញ្ជើញដឹកនាំគណៈប្រតិភូក្រសួង និងក្រុមការងារបច្ចេកទេស ចុះពិនិត្យវឌ្ឍនភាពការងារគម្រោងសាងសង់ស្ថាបនាផ្លូវ ៣៨ខ្សែ នៅក្រុងសៀមរាប ខេត្តសៀមរាប ដោយមានការចូលរួមពីគ្រប់ផ្នែកពាក់ព័ន្ធផងដែរ។ ការចុះពិនិត្យក្នុងគោលបំណង ដើម្បីពិនិត្យលើកាសាងសង់ និងវឌ្ឍនភាពការងារ ធ្វើយ៉ាងណាឱ្យមាននូវគុណភាពអាចប្រើប្រាស់យូរអង្វែង និងស្របតាមស្តង់ដារបច្ចេកទេសត្រឹមត្រូវ ហើយអាចសម្រេចឱ្យបានទៅតាមលទ្ធផលនៃផែនការគ្រោងទុកផងដែរ៕