នៅព្រឹក ថ្ងៃអង្គារ ៨កើត ខែបុស្ស ឆ្នាំជូត ទោស័ក ឆ្នាំ២៥៦៤ ត្រូវនឹងថ្ងៃទី២២ ខែធ្នូ ឆ្នាំ២០២០ នៅសាលាខេត្តបាត់ដំបង ព្រំ វន្ថា ប្រធាននាយកដ្ឋានណ៍គោក និងជាប្រធានផ្នែកអប់រំផ្សព្វផ្សាយ និងបណ្តុះបណ្តាល នៃអគ្គលេខាធិការដ្ឋាន គ.ស.ច.គ. បានដឹកនាំក្រុមការងារជំរុញអនុវត្តផែនការសកម្មភាពណ៍គោក ជួបប្រជុំជាមួយអនុគណៈកម្មការណ៍គោកខេត្តបាត់ដំបង ក្រោមអធិបតីភាព ឯកឧត្តម សឿម ប៊ុនរិទ្ធិ អភិបាលរង នៃគណៈអភិបាលខេត្តបាត់ដំបង និងជាអនុប្រធានអនុគណៈកម្មការណ៍គោក ព្រមទាំងមានការចូលរួមពី ព្រួញ រិទ្ធថា អនុប្រធាន ខេត្តបាត់ដំបង និងជាអនុប្រធានលេខាធិការដ្ឋានអនុគណៈកម្មការណ៍គោកខេត្តបាត់ដំបង ស្នងការរងនៃស្នងការដ្ឋាននគរបាលខេត្តបាត់ដំបង មេបញ្ជាការរង នៃកងរាជអាវុធហត្ថខេត្តបាត់ដំបង ព្រមទាំងតំណាងមន្ទីរពាក់ព័ន្ធ រួមមាន៖ មន្ទីរសុខាភិបាល មន្ទីរអប់រំ យុវជន និងកីឡា មន្ទីរអភិវឌ្ឍន៍ជនបទ មន្ទីរព័ត៌មាន មន្ទីរការងារ និងបណ្តុះបណ្តាលវិជ្ជាជីវៈ មន្ទីរដែនដី នគរោបនីយកម្ម និងសំណង់ មន្ទីរទេសចរណ៍ និង មន្ទីរសេដ្ឋកិច្ច និងហិរញ្ញវត្ថុ សរុបអ្នកចូលរួមមាន ២៦នាក់។ គួរបញ្ជាក់ថា ការត្រួតពិនិត្យ និងវាយតម្លៃការអនុវត្តផែនការសកម្មភាពការងារណ៍គោក គឺឈរលើលក្ខណៈវិនិច្ឆ័យចំនួន ៨ចំណុច រួមមាន៖ - ប្រសិទ្ធភាពនៃការគ្រប់គ្រងណ៍គោក - ហេដ្ឋារចនាសម្ព័ន្ធថ្នល់ប្រកបដោយសុវត្ថិភាព - យានយន្តមានសុវត្ថិភាព - អាកប្បកិរិយាប្រកបដោយសុវត្ថិភាពរបស់អ្នកប្រើប្រាស់ - កិច្ចធានាប្រព័ន្ធសង្គ្រោះបន្ទាន់ - ការអនុវត្តច្បាប់ប្រកបដោយប្រសិទ្ធភាព និងតម្លាភាព - ការផ្តល់បណ្ណប្រកបដោយគុណភាព - ការគ្រប់គ្រង និងវាយតម្លៃលើសុវត្ថិភាពដឹកជញ្ជូនអ្នកដំណើរ កម្មករ និងទំនិញ។