(ព្រះវិហារ)៖ ក្រសួងសាធារណការ និងដឹកជញ្ជូន បានឲ្យដឹងថា ស្ថានភាពទឹកជំនន់លិចផ្លូវជាតិលេខ ៩២ ខេត្តព្រះវិហារ នៅតែបន្តរឡើងដដែល និងមិនអាចឱ្យយានយន្តគ្រប់ប្រភេទធ្វើចរាចរណ៍ឆ្លងកាត់បានទេ។ ជាមួយនោះ មន្ទីរសាធារណការ និងដឹកជញ្ជូនខេត្ត បានចេញសេចក្តីជូនដំណឹងកាលពីថ្ងៃទី ១៦ ខែតុលា ស្តីពីការផ្អាកចរាចរណ៍ជាបណ្ដោះអាសន្ន នូវរថយន្តដឹកទំនិញធុនធ្ងន់គ្រប់ប្រភេទ មិនអនុញ្ញាតឆ្លងកាត់លើផ្លូវជាតិលេខ៩, ៦២, ៦៤, ៩៥ និងផ្លូវខេត្តលេខ ២៦២៧បានឡើយ៕