លោក​ឧត្តមសេនីយ៍​ឯក ស ថេត អគ្គ​ស្នងការរង និងជា​ស្នងការ​នគរបាល​រាជធានី​ភ្នំពេញ បាន​ថ្លែងក្នុង​សន្និសីទ​កាសែត​នាព្រឹកថ្ងៃទី១៦ ខែមិថុនា ឆ្នាំ​២០២០ នៅ​ទីស្តីការគណៈរដ្ឋមន្រ្តី​ថា ប្រាក់​ដែល​ប៉ូលិស​ចរាចរណ៍​ទទួល​បានពី​ការ​ផាកពិន័យ គឺ​ត្រូវ​បែងចែក​តាមផ្នែក​ផ្សេងៗ។ ក្នុងនោះ៖ ៧០% បានទៅលើមន្ត្រីអនុវត្តនៅហ្នឹងកន្លែង (ចែកលុយសុទ្ធ) ១៦% បាន​ទៅនាយកដ្ឋាន​ចរាចរណ៍​ផ្លូវគោក និង​សណ្តាប់ធ្នាប់ ៩% បាន​ទៅការិយាល័យចរាចរណ៍​ផ្លូវគោក នៃស្នងការនគរបាល​រាជធានីខេត្ត ៥% បាន​ទៅតាម​ខណ្ឌ៕