[Kampuchea Thmey] - ការតភ្ជាប់ផ្លូវដែក កម្ពុជា-ថៃ នាំមកនូវកាលានុវត្តនភាពថ្មី សម្រាប់វិស័យដឹកជញ្ជូនទំនិញគ្រប់ប្រភេទ
2020-02-11
ទៅកាន់ទំព័រចុះផ្សាយក្នុង Kampuchea Thmey
បន្ទាយមានជ័យ ៖ ការតភ្ជាប់ផ្លូវដែកពី កម្ពុជា-ថៃ ពិតជានាំមកនូវកាលានុវត្តនភាពថ្មី សម្រាប់វិស័យដឹកជញ្ជូនតាមផ្លូវដែក ជាមធ្យោបាយដឹកជញ្ជូនទំនិញដ៏ស័ក្ដិសិទ្ធិ មានតម្លៃថោក សុវត្ថិភាពខ្ពស់។
លោក ទេសរដ្ឋមន្ត្រី ស៊ុន ចាន់ថុល កាលពីពេលថ្មីៗនេះ បានដឹកនាំគណៈប្រតិភូក្រសួង និងមន្ត្រីជំនាញក្រោមឱវាទ ចុះពិនិត្យស្ថានីយរថភ្លើងប៉ោយប៉ែត ដើម្បីជំរុញការអនុវត្តគោលនយោបាយដោះស្រាយផលប៉ះពាល់ និងត្រៀមរៀបចំការតភ្ជាប់ផ្លូវរថដែកកម្ពុជាជាមួយប្រទេសថៃ ក្នុងគោលបំណងបង្កើនទំហំពាណិជ្ជកម្ម និងសម្រួលដល់ការធ្វើដំណើរ និងដឹកជញ្ជូនឲ្យកាន់តែមានភាពល្អប្រសើរ។
សូមជម្រាបជូនថា ផ្លូវដែកភាគខាងជើងរបស់ព្រះរាជាណាចក្រកម្ពុជា ភ្នំពេញ-ប៉ោយប៉ែត ព្រំដែនកម្ពុជា-ថៃ ដែលមានប្រវែង ៣៨៦គីឡូម៉ែត្រ ត្រូវបានរាជរដ្ឋាភិបាលកម្ពុជាស្តារឡើងវិញរួចរាល់ និងបានដាក់ឲ្យដំណើរការបណ្ដោះអាសន្នកាលពីចុង ឆ្នាំ២០១៨ កន្លងទៅនេះ។
ការតភ្ជាប់ផ្លូវដែកកម្ពុជា-ថៃ ពិតជានាំមកនូវកាលានុវត្តនភាពថ្មី សម្រាប់វិស័យដឹកជញ្ជូនតាមផ្លូវដែក ជាមធ្យោបាយដឹកជញ្ជូនទំនិញដ៏ស័ក្ដិសិទ្ធិ មានតម្លៃថោក សុវត្ថិភាពខ្ពស់ កាត់បន្ថយការកកស្ទះចរាចរណ៍ និងរួមចំណែកក្នុងការអភិវឌ្ឍខឿនសេដ្ឋកិច្ចជាតិរបស់ប្រទេសទាំងពីរ ពិសេសតភ្ជាប់និងអភិវឌ្ឍតំបន់អាស៊ាន និងមហាអនុតំបន់មេគង្គផងដែរ៕
